ގއ. އަތޮޅުގައި އެމްޑަބްލިޔުއެސްސީން ހިންގާ މަޝްރޫއުތައް އަވަސްކުރުމާ ބެހޭގޮތުން މަޝްވަރާކޮށްފިއެވެ.
އެކުންފުނިން މިގޮތަށް މަޝްވަރާކޮށްފައިވަނީ ގއ. އަތޮޅު ކައުންސިލާއެކު އެމްޑަބްލިޔުއެސްސީގެ އެމްޑީ ހުސައިން ފަހުމީއާ ކުންފުނީގެ މެނޭޖްމަންޓް ޓީމުން މިއަދު ބޭއްވި ބައްދަލުވުމެއްގައެވެ.
މިވަގުތު އެމްޑަބްލިޔުއެސްސީ އިން ގއ. އަތޮޅުގައި ހިންގަނީ ދެ މަޝްރޫއުއެކެވެ. އެއީ ގއ. ވިލިނގިލީގެ އަލަށް ހިއްކި ސަރަހައްދުގެ ނަރުދަމާގެ މަޝްރޫއުއާ ގއ. ގެމަނަފުށީގެ ނަރުދަމާ މަޝްރޫއުއެވެ. މި މަޝްރޫއުގެ ދާއިރާގައި ހިމެނެނީ ނަރުދަމާ ޕަމްޕް ސްޓޭޝަންތަކާއި، ކަނޑު އައުޓްފޯލްއެއް ހެދުމާއި، ނަރުދަމާ ނެޓްވޯކް އެޅުމުގެ މަސައްކަތްތަކެވެ. ގެމަނަފުށީގެ ނަރުދަމާ މަޝްރޫއުގެ ދަށުން ސައިޓްގެ މަސައްކަތްތަކާއި ސީދާ ރަށަށް ޑެލިވަރީކުރާ އެކްސްކަވޭޓަރާއި ހޮޅި ނެޓްވޯކް މެޓީރިއަލްސް ހިމެނޭ ގޮތަށް ބޮޑެތި މެޝިނަރީތައް ގެންދިއުމުގެ މަސައްކަތް ހިމެނެއެވެ.
ކިޔުންތެރިންގެ ހިޔާލު