މާލެ ޓެކްސީ ލައިންގެ ހިދުމަތުގައި ބޭނުންކުރާ މޮބައިލް އެޕްލިކޭޝަންގެ މައުލޫމާތު ލީކްކުރި މުވައްޒަފުގެ މައްސަލަ ތަހުގީގުކުރަން ފުލުހުންގެ އިދާރާއަށް ހުށައަޅައިފިއެވެ.
އެމްޓީސީސީން ބުނީމާާލެ ޓެކްސީ ލައިން ޓެކްސީ އެޕްލިކޭޝަންގެ ބެކްއެންޑް ޑޭޓާބޭސް ސިސްޓަމުގައި ހުރި މައުލޫމާތުތަކަށް ބަދަލު ގެނެސް، ސިސްޓަމްގައި ހުރި މައުލޫމާތުތަކުގެ ސްކްރީން ޝޮޓް ނަގައި ލީކުކޮށްފައިވަނީ ކުންފުނީގައި މަސައްކަތްކުރަމުން އަންނަ މުވައްޒަފަކުކަން ކުރި އެތެރޭގެ ތަހުގީގުން ފާހަގަވެފައިވާކަމަށެވެ.
މާލެ ޓެކްސީ ލައިންގެ ހިދުމަތުގައި ބޭނުންކުރާ މޮބައިލް އެޕްލިކޭޝަންގެ މައުލޫމާތު ލީކްކުރި މުވައްޒަފުގެ މައްސަލަ ތަހުގީގުކުރަން ރަސްމީކޮށް ފުލުހުންގެ އިދާރާއަށް ހުށަހަޅާފައިވާކަން ކުންފުނީގެ އެންމެހައި
ހިއްސާދާރުންނާއ،ި ކަސްޓަމަރުންގެ މައުލޫމާތަށްޓަކައި ދަންނަވާކަމަށެވެ. އަދި ކަސްޓަމަރުންނާއި ހިއްސާދާރުންގެ ހައްގުތައް ހިމާޔަތްކޮށް، ރައްކާތެރިކުރުމަށް ޓަކައި ކުރާން ޖެހޭ ކޮންމެކަމެއް ކުރުންމަތީ ދެމިއޮންނާނެ ކަމުގެ ޔަގީންކަން އެމްޓީސީސީން ވަނީ ދީފައެވެ. ދިވެހި ސަރުކާރާއ،ި ކުންފުނީގެ ހިއްސާދާރުންނާއި، ކަސްޓަމަރުންނާއ،ި އަދި ވިޔަފާރީގެ އެންމެހާއި ބައިވެރިނ،ް މި ކުންފުންޏަށް ކުރައްވަމުން ތިޔަގެންދަވާ އިތުބާރަށް އެމްޓީސީސީން ވަނީ ޝުކުރު އަދާކޮށްފައެވެ.
މާާލެ ޓެކްސީ ލައިން ޚިދުމަތް ގްރޭޓަރ މާލެ ސަރަހައްދުގައި ފެށިގެން މިވީ ދުވަސްތަކުގެ ތެރޭގައ،ި ކަސްޓަމަރުންގެ ފަރާތުންނާއި ރައްޔިތުންގެ ފަރާތުން ލިބުނު ބޮޑު ތަރުހީބާއި އެއްބާރުލުމަށްވެސް ވަނީ ޝުކުރު އަދާކޮށްފައެވެ.
ރާއްޖޭގައި އެއްގަމާއި ކަނޑު ދަތުރުފަތުރުގެ ޚިދުމަތް ފޯރުކޮށްދޭ އެންމެ ބޮޑު ކުންފުނީގެ ހައިސިއްޔަތުން އެމްޓީސީސީގެ މަގުސަދަކީ ކަނޑައެޅިފައިވާ އަގުގައި ވީހާވެސް ލުއިފަސޭހަކަމާއެކ،ު ދަތުރުފަތުރުގެ ޚިދުމަތް ރައްޔިތުންނަށް ފޯރުކޮށްދޭ ކުންފުންޏެއްގެ ގޮތުގައި ދެމިތިބުންކަމަށް އެމްޓީސީސީން ވަނީ ބުނެފައެވެ.
ކިޔުންތެރިންގެ ހިޔާލު