ވިލިމާލެ ބަނދަރު ޑިންގީ ޖެޓީ ހެދުމުގެ މަޝްރޫޢު އެމްޓީސީސީއާ ހަވާލުކޮށްފި އެވެ.
މިނިސްޓްރީ އޮފް އިންފްރާސްޓްރަކްޗަރ ހައުސިން އެންޑް އަރބަން ޑިވެލޮޕްމަންޓުން ބުނީ އެ ކުންފުންޏާއި މި މަޝްރޫޢު ހަވާލުކުރީ 150 ދުވަހުގެ ތެރޭގައި ނިންމާ ގޮތަށް ކަމަށެވެ.
މި މަޝްރޫޢުގެ ދަށުން 3,698 ސީބީއެމް ވެލި ބަނދަރުތެރެއިން ނަގާ ނެރު ފުންކުރުމާއި 74 މީޓަރުގެ އެއްގަމު ވާޓަރެއް ރޭމްޕާއި ސިޑި ހިމެނޭހެން ތަރައްޤީ ކުރުން ހިމެނެ އެވެ. އަދި ތިން މީޓަރުގެ ބޮޑު ހިލައިގެ ރިވެޓްމަންޓަކާއި 24 މީޓަރުގެ ބޮޑުހިލަ ބްރޭކްވޯޓަރއެއް ޤާއިމުކުރުން ހިމެނެ އެވެ.
މީގެ އިތުރުން 74 މީޓަރުގެ ދިގު ދެ މީޓަރުގެ ފުޅާ ކޮންކްރީޓް ޖެޓީއެއް ތަރައްޤީ ކުރާނެ އެވެ.
މިއަދު އޮތް ރަސްމިއްޔާތުގައި މި މަޝްރޫޢު ހިންގުމުގެ އެއްބަސްވުމުގައި މިނިސްޓްރީ އޮފް އިންފްރާސްޓްރަކްޗަރ ހައުސިން އެންޑް އަރބަން ޑިވެލޮޕްމަންޓުގެ ފަރާތުން ސޮއިކުރެއްވީ ސްޓޭޓް މިނިސްޓަރު އިސްމާޢީލް ހަމީދު އެވެ. އެމްޓީސީސީގެ ފަރާތުން ސޮއިކުރެއްވީ މެނޭޖިންގ ޑިރެެކްޓަރ ޑީސީޕީ (ރިޓަޔާޑް) އަޙްމަދު ސަޢުދީ އެވެ.
މިއަދު އޮތް ރަސްމިއްޔާތުގައި ވިލިމާލެ ދާއިރާގެ މެންބަރު މުޙައްމަދު އިސްމާޢީލް ވެސް ބައިވެރިވެވަޑައިގެންނެވި އެވެ.
ކިޔުންތެރިންގެ ހިޔާލު