މާލޭގެ މަގުތަކުގައި ފެންބޮޑުވާ މައްސަލަ ހައްލުކުރުމަށް ސަރުކާރުން ކުރިއަށްގެންދާ މަޝްރޫޢުގެ ދަށުން، މަސްވެރިންގެ ޕާކް ސަރަހައްދުގައި ޤާއިމްކުރާ ފެންހިންދާ ނިޒާމު ކޮމިޝަންކޮށްފިއެވެ. މަޝްރޫޢުގެ ކޮންޓްރެކްޓަރު އެމްޓީސީސީން ބުނީ ބޮޑުތަކުރުފާނު މަގު ތަރައްގީކުރުމުގެ މަޝްރޫއުގެ ފުރަތަމަ ފިޔަވަހީގެ ދަށުން މަސްވެރިންގެ ޕާކުގައި ބެހެއްޓި މި ޕަމްޕު ސްޓޭޝަން ކޮމިޝަންކޮށްފައިވަނީ އިއްޔެކަމަށެވެ. މީގެ އިތުރުން އެމްއެމްއޭ ކައިރީގައި ހުރި ޕަމްޕު ސްޓޭޝަން 1 ކޮމިޝަން ކުރުމުގެ މަސައްކަތް މާދަމާ ކުރިއަށްދާނެ ކަމަށްވެސް އެ ކުންފުނިން ބުންޏެވެ.
Our team successfully commissioned the Pump Station 2, located at Masveringe park yesterday, 13th Aug 2026.
The Pump Station 1 near MMA is scheduled to be commissioned tomorrow, 15th Aug 2026.
AdvertisementThese pump stations at Boduthakurufaanu Road Development Project phase 1 will help… pic.twitter.com/LrY8vOGqKy
— MTCC Plc (@MTCCPlc) August 14, 2026
މި ޕަމްޕު ސްޓޭޝަންތަކަކީ މާލެއަށް ބޯކޮށް ވާރޭވެހޭ މޫސުންތަކުގައި ބޮޑުތަކުރުފާނު މަގުގެ އެކި ސަރަހައްދުތަކުގައި ފެންބޮޑުވުމުގެ ސަބަބުން ރައްޔިތުންނަށް ކުރިމަތިވާ ތަކުލީފުތަކަށް ދާއިމީ ހައްލެއް ހޯދައިދިނުމަށް ގާއިމުކުރާ ނިޒާމެކެވެ. މި މަސައްކަތް ނިމުމުން، ވާރޭފެން ހިންދުމުގެ ނިޒާމު އިތުރަށް ހަރުދަނާވެ، މަގުތަކުން ފެން ހިންދުމަށް ކުރާ މަސައްކަތަށް ބޮޑު ލުޔެއް ލިބިގެންދާނެކަމަށް ސަރުކާރުން ގަބޫލުކުރެއެވެ.
ބޮޑުތަކުރުފާނުމަގުގައި ފެންބޮޑުވަނީ އެ މަގުގައި ބެހެއްޓުމަށް ހަމަޖެހިފައިވާ 3 ޕަމްޕު ސްޓޭޝަންގެ މަސައްކަތް ނުނިމޭތީކަމަށް އެމްޓީސީސީން ވަނީ ބުނެފައެވެ.
ބޮޑުތަކުރުފާނުމަގު ޒަމާނީ ފެންވަރަށް ތަރައްޤީ ކުރުމުގެ ފުރަތަމަ ފިޔަވަހީގައި ހިމެނޭ 5 ސެގްމެންޓުގެ މަސައްކަތް ނިންމައި، އާންމުންނަށް ހުޅުވާލާފައިވަނީ ޖުލައި 24 ދުވަހުއެވެ. މާލޭ ބޮޑުތަކުރުފާނު މަގު ތަރައްޤީކުރުމުގެ މަޝްރޫޢުގެ ފުރަތަމަ ފިޔަވަހީގައި ހިމެނޭ 5 ސެގްމެންޓުގެ ތެރެއިން ހެންވޭރު ފެރީ ޓާމިނަލުން ފެށިގެން ރަސްމީ ފާލަމާ ހަމައަށް 700 މީޓަރުގެ ސަރަޙައްދެއް ތާރުއަޅައިގެން ތަރައްޤީ ކޮށްފައިވެއެވެ.
ކިޔުންތެރިންގެ ހިޔާލު