މިއަހަރު ރާއްޖެއަށް ޒިޔާރަތްކުރި ފަތުރުވެރިންގެ އަދަދު 1.3 މިލިއަނަށް އަރައިފިއެވެ.
ފަތުރުވެރިކަމާ ބެހޭ ވުޒާރާއިން އޮގަސްޓް މަހުގެ ކުރީކޮޅު ނެރުނު ތަފާސް ހިސާބުތަކުން ދައްކާ ގޮތުގައި މިދިޔަ އަހަރުގެ މި މުއްދަތަށްވުރެ ކުރިއެރުމެއް ލިބިފައިވާއިރު، އެންމެ ފަހުގެ ތަފާސް ހިސާބުތަކުން ދައްކާ ގޮތުގައި 11 އޮގަސްޓްގެ ނިޔަލަށް 1،331،148 ފަތުރުވެރިން ރާއްޖެއަށް ޒިޔާރަތްކުރި އެވެ.
އޮގަސްޓް މަހުގެ ފުރަތަމަ 11 ދުވަހުގެ ތެރޭގައި ރާއްޖެއިން 76،531 ފަތުރުވެރިންނަށް މަރުހަބާ ކިޔާފައިވާއިރު، މިއީ މިދިޔަ އަހަރުގެ މި މުއްދަތުގައި ރާއްޖެ އައިސްފައިވާ 73،312 ފަތުރުވެރިންނާ އަޅާބަލާއިރު 4.4 ޕަސެންޓް އިތުރު އަދަދެކެވެ. އޮގަސްޓް މަހު ކުރިއެރުން ލިބުނު ނަމަވެސް، މެދުއިރުމަތީގައި ހިނގާ ނުތަނަވަސްކަމުގެ ތެރޭގައި މާޗް މަހުން ފެށިގެން އާންމުކޮށް ޒިޔާރަތްކުރި މީހުންގެ އަދަދު މިދިޔަ އަހަރުގެ މި މުއްދަތުގައި ރެކޯޑްކުރި 1،387،700 އަށް ވުރެ 4.1 ޕަސެންޓް ދަށެވެ.
އަދިވެސް ރާއްޖޭގެ ފަތުރުވެރިކަމުގެ ސޯސް މާކެޓުގައި ޗައިނާ އޮތީ އެންމެ ކުރީގައެވެ. އެގައުމުން މިއަހަރު ތެރޭގައި 237،271 ފަތުރުވެރިން ރާއްޖެ އައިސްފައިވެ އެވެ. އެއީ ސޯސް މާކެޓްގެ 18.2 ޕަސެންޓެވެ. ދެވަނައިގައި އޮތީ 191،530 ފަތުރުވެރިންނާއެކު ރަޝިޔާ އެވެ. ދެވަނައިގައި އޮތީ 102،596 މީހުންނާއެކު އިނގިރޭސިވިލާތެވެ. މި އަހަރުގެ މިހާތަނަށް ރާއްޖެއަށް އެވްރެޖްކޮށް ދުވާލަކު 5،969 ފަތުރުތެރިން ޒިޔާރަތްކޮށްފައިވެ އެވެ.
އެންމެ ގިނަ ފަތުރުވެރިން ޒިޔާރަތްކުރި ރިސޯޓްތަކުން 955،696 ފަތުރުވެރިން ޒިޔާރަތްކުރިއިރު ގެސްޓްހައުސްތަކަށް 291،113 ފަތުރުވެރިން ޒިޔާރަތްކުރި އެވެ. ހޮޓާތަކާއި ސަފާރީ އުޅަނދުތަކަށް 30،953 ފަތުރުވެރިން ވަނީ ޒިޔާރަތް ކޮށްފައެވެ.
ކިޔުންތެރިންގެ ހިޔާލު