ދުނިޔޭގެ މަޝްހޫރު ކޮންސިއުމަރ އިލެކްޓްރޯނިކްސް ބްރޭންޑެއް ކަމަށްވާ “ޕިލިޕްސް” ބްރޭންޑްގެ އެއަރ ކޮންޑިޝަނަރތައް (އޭސީ) މިހާރު އެސްޓީއޯ ޕީޕަލް ޗޮއިސްއިން ލިބެން ހުންނާނެއެވެ. މިއީ ފެންވަރު ރަނގަޅު އަދި އިތުބާރު ހިފޭ އުފެއްދުންތައް ދިވެހި ބާޒާރަށް ތަޢާރަފުކުރުމަށް އެސްޓީއޯއިން ކުރަމުންދާ މަސައްކަތުގެ ދަށުން ގެނެވުނު މުހިންމު ބަދަލެކެވެ.
ޕިލިޕްސް ބްރޭންޑަކީ ޒަމާނުއްސުރެ ދިވެހިންގެ އިތުބާރު ހޯދާފައިވާ، ދެމެހެއްޓެނިވި އަދި ފެންވަރު ރަނގަޅު އިލެކްޓްރޯނިކްސް ސާމާނު އުފައްދާ ކުންފުންޏެކެވެ. މިގޮތުން އެސްޓީއޯއިން އަލަށް ތަޢާރަފުކުރި ޕިލިޕްސް އޭސީތަކަކީ ރާއްޖޭގެ ހޫނު މޫސުމާއި ގުޅޭގޮތަށް، ކަރަންޓު ޚަރަދު ކުޑަކޮށްދޭ ‘އިންވާޓަރ’ ޓެކްނޮލޮލޮޖީ ހިމެނޭހެން ފަރުމާކޮށްފައިވާ އުފެއްދުންތަކެކެވެ. މި އޭސީތަކުގެ އެންމެ ފާހަގަކޮށްލެވޭ އެއް ސިފައަކީ، ކޮޓަރި ނުވަތަ ހޯލް ފަދަ ތަންތަން ވަރަށް އަވަހަށް ފިނިކޮށްދިނުމުގެ ގާބިލުކަން ލިބިފައިވުމާއި، އޭސީ ހިނގާއިރު އަޑު މަޑުވުމެވެ. މީގެ އިތުރުން، ވައި ސާފުކޮށްދޭ ފިލްޓަރުތައް ހަރުކޮށްފައި ހުރުމުގެ ސަބަބުން، ސިއްހީ ގޮތުން ރައްކާތެރި، ސާފު ވައި ކޮޓަރީގެ ތެރޭގައި ދައުރުވުމަށް އެހީތެރިވެދެއެވެ.
އެސްޓީއޯ ޕީޕަލް ޗޮއިސްއިން ލިބެން ހުރި ޕިލިޕްސް އޭސީގެ އެކި ސައިޒުތަކުގެ ތެރޭގައި 9000 BTU އިން ފެށިގެން 24000 BTU އާ ހަމައަށް ތަފާތު ރޭންޖުތައް ހިމެނެއެވެ. މިއީ ގޭގޭގެ ކޮޓަރިތަކާއި، އޮފީސްތަކުގެ އިތުރުން ބޮޑެތި ހޯލްތަކަށްވެސް އެންމެ އެކަށީގެންވާ ސައިޒުތަކެވެ.
ކަސްޓަމަރުންނަށް ލުއިފަސޭހަކޮށްދިނުމުގެ ގޮތުން، އެސްޓީއޯއިން ވިއްކާ ޕިލިޕްސް އޭސީތަކަށް ރަނގަޅު މުއްދަތެއްގެ ވޮރެންޓީއާއި، ވިއްކުމަށްފަހު ދޭންޖެހޭ ސަރވިސްގެ ހިދުމަތްވެސް އެސްޓީއޯއިން ފޯރުކޮށްދޭނެއެވެ. އަދި އެސްޓީއޯގެ ކްރެޑިޓް ސްކީމްތަކާއި، ބޭންކް އޮފް މޯލްޑިވްސްގެ އިސްލާމިކް ފައިނޭންސިންގ މެދުވެރިކޮށްވެސް މި އޭސީތައް ބައްލަވައިގަތުމުގެ ފުރުސަތު ކަސްޓަމަރުންނަށް ވަނީ ހުޅުވާލެވިފައެވެ.
އެސްޓީއޯ ޕީޕަލް ޗޮއިސްއިން މަޢުލޫމާތު ދޭގޮތުގައި، ޕިލިޕްސް ބްރޭންޑަކީ ދުނިޔޭގެ ފެންވަރުގައި ބަލައިގަނެވިފައިވާ ބްރޭންޑަކަށް ވުމާއެކު، މި އޭސީތަކަކީ ދިގު މުއްދަތަކަށް ބޭނުންކުރެވޭނެ، ފެންވަރުގެ ގޮތުން އެއްވަނައިގެ އުފެއްދުންތަކެކެވެ. މިހާރު އެސްޓީއޯ ޕީޕަލް ޗޮއިސްއަށް ޒިޔާރަތްކޮށްގެން މި އޭސީތަކުގެ މައުލޫމާތު ސާފުކޮށް، ބައްލަވައިގަތުމުގެ އިންތިޒާމު ވަނީ ހަމަޖެހިފައެވެ.
ކިޔުންތެރިންގެ ހިޔާލު