މުބާރާތުގެ ފަހު 16 ޓީމުގެ ބުރުގައި އެންމެ ފަހުގެ ޗެމްޕިއަން އާޖެންޓީނާގެ އަތުން މިޞްރު ބަލިވި މެޗުގައި ފެނުނީ ރެފްރީގެ ނާއިންސާފުކަމަށް މިސްރުގެ ކޯޗު ހޮސާމް ހަސަން ބުނެފިއެވެ.
މިސްރުން 80 ވަނަ މިނިޓާ ހަމައަށް 2-0 އިން ލީޑުކުރި މި މެޗުގައި، އާޖެންޓީނާ އިން ވަނީ ފަހަތުން އަރައި، 3-2 އިން މޮޅުވެފަ އެވެ.
މެޗަށްފަހު ނޫސްވެރިންނާ ވާހަކަ ދައްކަމުން ކޯޗު ބުނީ މިމެޗުގައި ފީފާ އިން ބުނާ ފެއަރ ޕްލޭގެ ކުޑަވެސް މިންވަރެއް ނެތް ކަމަށެވެ. މިމެޗުގައި މިޞްރަށް އެއްވެސް އިހުތިރާމެއް އަދި ފެއަރ ޕްލޭއެއް ނެތް ކަމަށް އޭނާ ބުންޏެވެ. އާޖެންޓީނާއާ ދެކޮޅަށް މިސްރު ފެނުނީ މާ ރަނގަޅަށް ކަމަށާއި، ނަމަވެސް މި މެޗުގެ ނަތީޖާ އަށް އަސަރުކުރީ ދަނޑު މަތިންނާއި ދަނޑު ބޭރުން ވަކި ކަންތައްތަކެއް ބޭނުންވާތީ ކަމަށް ކޯޗު ބުންޏެވެ. މިމެޗުގައި މިޞްރަށް ޕެނަލްޓީއެއް ލިބެން ޖެހޭ ކަމަށާއި ނަމަވެސް ރެފްރީ އާއި ވީއޭއާރުން އެހާދިސާ ބަލާފައިވެސް ނުވާކަމަށް އޭނާ ބުންޏެވެ. އަދި އެޓީމުން ކާމިޔާބު ކުރި ދެވަނަ ލަނޑު ވީއޭއާރުން ބެލުމަށްފަހު ލަނޑެއް ނޫންކަމަށް ބެލިއިރު އެޓީމަށް ލިބެން ޖެހޭ ޕެނަލްޓީ ބަލާފައިނުވާކަމަށެވެ. އަދި މިއީ އާޖެންޓީނާއަށް ހައްގު މޮޅެއް ނޫންކަމަށްވެސް މިޞްރުގެ ކޯޗު ނުންޏެވެ.
ހޮސާމް ހަސަން ބުނީ އޭނާ އެނބުރި ޤައުމަށް ދިއުމަށްފަހު މިފަހަރުގެ ވޯލްޑް ކަޕްގެ ބާކީ އެއްވެސް މެޗެއް ނުބަލާނެ ކަމަށެވެ. އަދި މިއީ އެއްވެސް އިންސާފެއް އޮތް މުބާރާތެއް ނޫންކަމަށް އޭނާ ތުހުމަތު ކުރިއެވެ. އެހެން ކަމުން މިމުބާރާތުގެ ބާކީ އެއްވެސް މެޗެއް އޭނާ ނުބަލާނެ ކަމަށެވެ.
މިމެޗުގައި މިޞްރުގެ ދެވަނަ ލަނޑު ޖަހައިދިން މުސްތަފާ ޒީކޯ ބުނީ މިޞްރު ޓީމާއި ސަޕޯޓަރުންނާއި މެދު އޭނާ ފަހުރުވެރިވާކަމަށެވެ. އަދި މެޗުގެ ރެފްރީންގެ ނިންމުންތަކާމެދު އޭނާވެސް ސުވާލު އުފެއްދިއެވެ. މިމެޗުގައި ޒީކޯ ކާމިޔާބު ކޮށްދިން އެއް ލަނޑު ވަނީ ލަނޑު ޖެހުމުގެ ކުރިން މިޞްރުގެ ކުޅުންތެރިޔަކު ފައުލެއް ކޮށްފައިވުމުގެ ސަބަބުން އެލަނޑު ބަލައިނުގެންފައެވެ.
ފަހަރުގައި އެ މީހުން ބޭނުންވީ އެންމެ ފަހުގެ ޗެމްޕިއަން (އާޖެންޓީނާ) މުބާރާތުގައި ބާއްވަން.
މިސްރުގެ ކޯޗު ބުންޏެވެ.
މެޗުގެ ރެފްރީ ފްރަންކޮއާ ލަޓެކްސިއޭގެ ނިންމުންތަކަށް މިސްރުގެ ބެންޗުން ވަރަށް ބޮޑަށް ހިތްހަަމަނުޖެހުން ފާޅުކުރިއެވެ. މިސްރުގެ ކޯޗު ހިމެނޭހެން ކުޅުންތެރިންނާއި އޮފިޝަލުންނަށް ރީނދޫ ކާޑު ދެއްކިއެވެ. މިސްރުން ވަނީ ދެ ޕެނަލްޓީއެއް ހޯދުމަށް އެޕީލްކޮށްފައެވެ. މިސްރުން ޖެހި ދެ ވަނަ ގޯލު ވީއޭއާރުން ބަލައިނުގަތީ ގޯސްކޮށް ނިންމި ނިންމުމަކުން ކަަމަށްވެސް ިސްރުގެ ކޯޗު ބުންޏެވެ.
ކިޔުންތެރިންގެ ހިޔާލު