އިތުރު ވަގުތުގެ ފުރަތަމަ މިނިޓް ތެރޭގައި ޖެހި ގޯލުން 1-0 އިން ޕޯޗުގަލް ކަޓުވާލުމަށް ފަހު، ސްޕެއިނުން ފީފާ ވޯލްޑް ކަޕް ފުޓްބޯޅަ މުބާރާތުގެ ކުއާޓާ ފައިނަލަށް ދަތުުރުކޮށްފިއެވެ.
މިއީ ޕޯޗުގަލްގެ ކްރިސްޓިއާނޯ ރޮނާލްޑޯ، 41، އޭނާގެ ކެރިއަރުގައި ކުޅުނު ފަހު ވޯލްޑް ކަޕް މެޗެވެ. އޭނާ ވަނީ މިއީ އޭނާ ކުޅޭނެ އެންމެ ފަހު ވޯލްޑް ކަޕް މުބާރާތް ކަން މެޗުގެ ކުރިން ހާމަކޮށްފައެވެ. ދުނިޔެ ދުށް އެންމެ ކާމިޔާބު އެއް ކުޅުންތެރިޔާ ޕޯޗްގަލްގެ ކެޕްޓަން ކްރިސްޓިއާނޯ ރޮނާލްޑޯގެ ވަރލްޑްކަޕް އުއްމީދަށް ނިމުން އައީ 90 މިނިޓް ލަނޑެއް ނުޖެހި އެއްވަރުވެފައި ވަނިކޮށް ދެއްކި އިތުރު ވަގުތުގެ ހަ މިނިޓްގެ ތެރެއިން ފުރަތަމަ މިނިޓްގަގައި ސްޕެއިންގެ މެރިނޯ ޖެހި ގޯލުންނެވެ. މެރިނޯ ކުޅެން ނިކުތީ 85 ވަނަ މިނިޓްގައި ޑެނީ އޮލްމޯގެ ބަދަލުގައެވެ.
ސްޕެއިން އިން ލީޑް ނެގި ފަހުން ބެނާޑޯ ސިލްވާ އަށް ނަތީޖާ ހަމަހަމަ ކުރަން ފުރުޞަތެއް ލިބުނެވެ. އެކަމަކު ބަދަލަކަށް ނިކުއިން ބެނާޑޯ ސިލްވާ އޭރިޔާ ތެރެއިން ބޮލުން ފޮނުވާލި ބޯޅަ ކުޑަތަންކޮޅެއް މަތިވީއެވެ.
މިމެޗުގެ ކުރިން 41 އަހަރުގެ ރޮނާލްޑޯ ވަނީ މިއީ އޭނާގެ ފަހު ވަރލްޑްކަޕް ކަން އިއުލާނުކޮށްފައެވެ. އެހެންކަމުން ކުޅުންތެރިއެއްގެ ގޮތުގައި ވަރލްޑްކަޕް އުފުލާލުމުގެ ފުރުޞަތަށް ނިމުން އައީއެވެ. އެކަމަކު ގައުމީ ޓީމަށް ކުޅުން ހުއްޓާލާކަށް އަދި ރޮނާލްޑޯ ނުނިންމައެވެ.
ކުއާޓާ ފައިނަލްގައި ސްޕެއިން ނިކުންނާނީ ބެލްޖިއަމާ ދެކޮޅަށެވެ.
ކިޔުންތެރިންގެ ހިޔާލު