މޭރީ ގްރޭސް މަރާލި މައްސަލައިގައި ދައުވާ އުފުލުނު ހަލީމަތު ލަމްހާ އަބްދުއްރަހްމާން ފަނަރަ އަހަރަށް ޖަލަށްލުމަށް ކްރިމިނަލް ކޯޓުން މިއަދު ހުކުމްކޮށްފިއެވެ.
2021 ވަނަ އަހަރުގެ އޮކްޓޯބަރު މަހުގެ 19 ވަނަ ދުވަހު މޭރީ ގްރޭސް މަރާލާފައި އޮއްވާ ފެނުނީ އޭނާ ދިރިއުޅޭ ގޭގެ ކޮޓަރި ތެރެއިންނެވެ. މޭރީގެ މަރު ރިޕޯޓްކޮށް، އޭނާގެ ހަށިގަނޑު ހޮސްޕިޓަލަށް ގެންދިޔައީ ފިރިމީހާ މާވިންއެވެ. އެންމެ ފުރަތަމަ މާވިން ބުނެފައިވަނީ މޭރީ ފެނުނީ އަމިއްލައަށް ދަންޖެހި މަރުވެފައި ހުއްޓާ ކަމަށެވެ. ނަމަވެސް ތަހުގީގަށް ފަހު މިއީ ބަޔަކު ރާވައިގެން ހިންގާފައިވާ ކުށެއްކަން ކަށަވަރުކުރެވުނެވެ.
މޭރީ މަރާލި ކަމުގެ ތުހުމަތުގައި މާވިން އަދި އޭނާގެ ލޯބިވެރިޔާ ލަމްހާގެ މައްޗަށް ދައުވާކޮށް، ކްރިމިނަލް ކޯޓުގައި ކުރިއަށް ގެންދިޔަ ޝަރީއަތް ނިމި މިއަދު ވަނީ ހުކުމް އިއްވާފައެވެ. ކޯޓުން ކަނޑައެޅީ މޭރީ މަރާލުމުގެ ކުށް މާވިންގެ މައްޗަށް ސާބިތުވާ ކަމަށެވެ. އޭނާއަށް އިއްވީ އުމުރު ދުވަހުގެ ޖަލު ހުކުމެކެވެ.
މޭރީ މަރާލުމުގައި ބައިވެރިވި ކަމުގެ ދައުވާގެ އިތުރުން އެހެން ދެ ދައުވާއެއް ލަމްހާގެ މައްޗަށް ވަނީ ސާބިތުވެފައެވެ. އެއީ އައިޖީއެމްއެޗްއިން ހުއްދަ ނަގައިގެން ނޫނީ ނުގެންދެވޭ ނުރައްކާތެރި ބޭސްތަކެއް ހުއްދަނެތި ގެންދިޔަ މައްސަލައިގައި އުފުލި ދެ ދައުވާއެވެ. މި ހުރިހާ ދައުވާއެއް ސާބިތުވުމާއެކު، ލަމްހާ ފަނަރަ އަހަރަށް ޖަލަށްލުމަށް ކޯޓުން ވަނީ ހުކުމްކޮށްފައެވ.
ކިޔުންތެރިންގެ ހިޔާލު