މޯލްޑިވްސް ހައްޖު ކޯޕަރޭޝަން ލިމިޑެޓްގެ ބޯޑް މެމްބަރުކަމާއި މެނޭޖިންގ ޑިރެކްޓަރުކަމުގެ މަގާމަށް، ދ. ކުޑަހުވަދޫ ޝަބްނަމީގެ، އަލްއުސްތާޒު މުހައްމަދު ފިރުޒުލް އަބްދުﷲ ހަލީލް މިއަދު އައްޔަނުކޮށްފިއެވެ.
ހައްޖު ކޯޕަރޭޝަނުން ވަނީ މި ކަން ހާމަކޮށް ފޭސްބުކްގައި ޕޯސްޓެއް ހިއްސާކޮށްފައެވެ.
ފިރުޒުލް މި މަގާމަށް އައްޔަން ކުރީ، މީގެ ކުރިން އެ މަގާމުގައި ހުންނެވި މުހައްމަދު ޝަކީލު އިސްތިއުުފާ ދެއްވުމާއި ގުޅިގެންނެވެ. އަދި
ޝަކީލް އެ މަގާމުން އިސްތިއުފާ ދެއްވީ އީސީގެ މެންބަރަކު ކަމުގެ މަގާމަށް އައްޔަން ކުރެއްވުމަށް ރައްޔިތުންގެ މަޖިލީހުން ރުހުން ދިނުމާއި ގުޅިގެންނެވެ.
ވެރިކަން ކުރާ ޕާޓީ، ޕީއެންސީގެ ތަރުޖަމާނަށް ހުންނެވި ފިރުޒުލް ކުރިން ހުންނެވީ ރައީސް އޮފީހުގެ އަންޑަ ސެކެޓްރީ ފޯ ޕަބްލިކް ޕޮލިސީގެ މަގާމުގައެވެ.
އަދި ސަރުކާރުގެ ސިޔާސަތުތައް އެކަށައެޅުމުގައި ރައީސް އޮފީހުގައި އިސް ދައުރެއް އަދާކުރައްވާފައިވާ ފިރުޒުލް ވަނީ މިސްރުގެ އަޒްހަރު ޔުނިވަރސިޓީން ޝަރީއާ އެންޑް ލޯ އިން މަތީ ތައުލީމް ހާސިލް ކުރައްވާފައެވެ.
ކިޔުންތެރިންގެ ހިޔާލު