ފީފާ ފުޓްބޯޅަ މުބާރާތުގެ ގަދަ 16 ފުރަތަމަ ކަށަވަރުކުރި ޤައުމަކަށް މުބާރާތް ބާއްވާ އެއް ޤައުމުކަމަށްވާ ކެނެޑާ ވެއްޖެއެވެ.
މުބާރާތުގެ ދެވަނަ ބުރު ރޭ ވަނީ ފަށާފައެވެ. ނޮކްއައުޓް މިބުރުގައި ފުރަތަމަ ބައްދަލުކުރީ ކެނެޑާއާއި ސައުތު އެފްރިކާއެވެ. މި މެޗު ކެނެޑާ ކާމިޔާބުކުރީ ދެކުނު އެފްރިކާގެ މައްޗަށް 0-1އިން ކުރި ހޯދައިގެންނެވެ. މެޗުގެ ހަމައެކަނި ލަނޑު، އިތުރު ވަގުތުގެ 2ވަނަ މިނެޓުގައި ކެނެޑާއަށް ކާމިޔާބުކޮށްދިނީ ސްޓީފަން އެސްޓާކިއޯއެވެ. މެޗުގެ ފުރިހަމަ ވަގުތު ހަމަވެ ނަތީޖާ ނެރުމަށް އިތުރު ވަގުތުގެ ދެ ހާފަށް ތައްޔާރުވެފައި ވަނިކޮށް، އެސްޓާކިއޯ ވަނީ ޕެނަލްޓީ އޭރިއާގެ ބޭރުން ފޮނުވާލި ބާރު ހަމަލާ ގޯލުގެ ތިރީ ކަނަށް ވަށްދާ ކެނެޑާއަށް މުހިންމު މޮޅެއް ހޯދައިދީފައެވެ.
ކެނެޑާއަށް ލިބުނު އެންމެ ބޮޑު ހިތްހަމަޖެހުމަކީ، އަނިޔާގެ ސަބަބުން ގްރޫޕް ސްޓޭޖުގެ މެޗުތައް ގެއްލުނު އަލްފޮންސޯ ޑޭވީސް އަލުން ޓީމާ ގުޅުމެވެ. ބަޔާން މިއުނިކަށް ކުޅޭ ޑޭވީސްއަށް އަނިޔާވީ މިދިޔަ މެއި މަހު ޗެމްޕިއަންސް ލީގުގެ ސެމީ ފައިނަލުގައި ޕީއެސްޖީ އާ ދެކޮޅަށް ކުޅުނު މެޗުގައެވެ.
މި މުބާރާތުގެ ކުރިން ކެނެޑާ ކުޅުނު ވޯލްޑް ކަޕްގެ ހުރިހާ މެޗަކުން އެ ގައުމު ވަނީ ބަލިވެފައެވެ. ނަމަވެސް މި ފަހަރުގެ މުބާރާތުގައި އެ ޓީމުން އަންނަނީ ތަފާތު މޮޅު ކުޅުމެއް ދައްކަމުންނެވެ.
ކިޔުންތެރިންގެ ހިޔާލު