ވޯލްޑްކަޕް ތާރީޚުގެ ފުރަތަމަ މޮޅާއެކު ކެނެޑާއިން މުބާރާތުގެ ދެވަނަ ބުރުގެ އުންމދީދު އައުކޮށްފިއެވެ. މިއީ ކެނެޑާ ވޯލްޑްކަޕްގައިި ކުޅޭ ތިންވަނަ ފަހަރެވެ.
މީގެ ކުރިން ކެނެޑާ ވޯލްޑްކަޕްގައި ކުޅެފައި ވަނީ އެންމެ ފަހުން އޮތް 2022ގެ އިތުރުން 1986 ގައި މެކްސިކޯގައި ބޭއްވި މުބާރާތުގައެވެ. އެ ދެމުބާރާތުންވެސް ކެނެޑާއަށް ޕޮއިންޓެއް ލިބިފައެއް ނުވެއެވެ.
9 ކުޅުންތެރިންނާއެކު ކުޅެމުންދިޔަ ޤަތަރުގެ މައްޗަށް ކެނެޑާ ކުރި ހޯދީ 0-6ގެ ނަތީޖާއަކުންނެވެ. ތާރީހީ މޮޅާ އެކު ކެނެޑާ ވަނީ މި އަހަރުގެ މުބާރާތުން ދެވަނަ ބުރުގެ ޖާގައަކާ ގާތަށް ޖެހިލައިފައެވެ. ގްރޫޕް ބީގައި ކެނެޑާއާއި ސްވިޒަލެންޑްވެސް ވަނީ ދެ މެޗުން ހަތަރު ޕޮއިންޓް ހޯދާފައެވެ. މި ގުރޫޕްގައި ދެން ހިމެނޭ ގަތަރާއި ބޮސްނިއާ އެންޑް ހާޒިގޮވީނާއަށްވެސް ދެ މެޗުން ލިބިފައި ވަނީ އެއް ޕޮއިންޓެވެ.
ޖޮނަތަން ޑޭވިޑް ވަނީ ފުރަތަމަ ހާފުގެ އިތުރު ވަގުތުގައި އޭނާގެ ދެވަނަ ލަނޑު ކާމިޔާބު ކޮށްފައެވެ.
ޤަތަރުން ނުވަ ކުޅުންތެރިންނަށް ބަދަލުވީ 50 ވަނަ މިނިޓުގައި އާސިމް މާދީބޫ ކުރި ނުރައްކާތެރި ފައުލަކާ ގުޅިގެން އޭނާއަށް ސީދާ ރަތް ކާޑެއް ދެއްކުމާއި ގުޅިގެންނެވެ. ކެނެޑާގެ އިސްމާއިލް ކޯނޭ އަށް ކުރި މި ފައުލާ ގުޅިގެން ކޯނޭ، 24ގެ ފައި ބިނދިފައި ވާތީ ސާޖަރީ ކުރަން ޖެހިފައިވާ ކަމަށް ކޯޗު ޖެސީ މާޝް ވަނީ މެޗަށް ފަހުބުނެފައެވެ.
ކެނެޑާގެ ހަތަރުވަނަ ލަނޑު 64 ވަނަ މިނިޓުގައި ހިލޭޖެހުމަކުން ކާމިޔާބު ކުރީ ޒުވާން މިޑްފީލްޑަރު ނޭތަން ސަލިބާއެވެ. އަދި ފަސްވަނަ ލަނޑަކީ 75 ވަނަ މިނިޓުގައި ގަތަރުގެ މުހައްމަދު މަނާއީ އަތުން ބައިކޮޅަށް ވަން ލަނޑެކެވެ. އޭނާގެ ހެޓްރިކް ފުރިހަމަ ކުރީ މެޗުގެ އިތުރު ވަގުތުގެ ދެވަނަ މިނިޓުގައެވެ.
ކިޔުންތެރިންގެ ހިޔާލު