ދެކުނު ކޮރެއާ ބަލިކޮށް މުބާރާތުގެ ދެވަނަ ބުރުން ދެކުނު އެފްރިކާ ޖާގަ ހޯދައިފިއެވެ. ދެކުނު ކޮރެއާގެ މައްޗަށް ދެކުނު އެފްރިކާއިން ކުރިހޯދީ 0-1އިންނެވެ.
މެޗުގެ ހަމައެކަނި ގޯލު ޖެހީ 63 ވަނަ މިނިޓްގައި މަސޭކޯއެވެ. މިއީ ދެކުނު އެފްރިކާ ވޯލްޑް ކަޕުގެ ތާރީހުގައި ވެސް އެ ގައުމު މުބާރަތުގެ ދެ ވަނަ ބުރުން ޖާގަ ހޯދި ފުރަތަމަ ފަހަރެވެ. ގްރޫޕް އޭގެ އެއްވަނަ ޓީމުގެ ގޮތުގައި ކުޅުނު ތިން މެޗުން ވެސް މޮޅުވެ ދެ ވަނަ ބުރަށް ދިޔައީ މުބާރާތް ބާއްވާ އެއް ގައުމު ކަމަށްވާ މެކްސިކޯއެވެ. އެމެރިކާ އާއި ކެނެޑާ އާއި މެކްސިކޯގައި ކުޅޭ މުބާރާތުގައި މިއަދު މެކްސިކޯއިން ޗެކިޔާ ބަލިކުރީ 3-0އިންނެވެ.
މިއާއެކު މި ގްރޫޕުގެ ދެ ވަނަ ދެކުނު އެފްރިކާ އަށް ލިބުނީ ހަތަރު ޕޮއިންޓުންނެވެ. ކޮރެޔާ ތިން ވަނައަށް ދިޔައީ ތިން ޕޮއިންޓާއެކުގައެވެ. ޗެކިޔާއަށް ޕޮއިންޓެއް ނުލިބެއެވެ.
ނޮކައުޓް ބުރުގައި 32 ޓީމު ވާދަ ކުރާ އިރު، ގުރޫޕް ތަކުގެ އެއްވަނަ އަދި ދެވަނަ ޓީމުގެ އިތުރުން، ގުރޫޕް ތަކުގެ ތިންވަނަ އަށް ދާ ޓީމު ތަކުގެ ތެރޭން ގަދަ އަށް ޓީމު ނޮކައުޓް ބުރަށް ހޮވޭނެ އެވެ. އަމިއްލަ ބާރު ނެތް ނަމަވެސް ދެކުނު ކޮރެއާއަށް މި ވަނީ ނޮކައުޓް ބުރުގެ ޖާގައަކަށް އިންތިޒާރު ކުރަން ޖެހިފައެވެ.
ކިޔުންތެރިންގެ ހިޔާލު