ރަނާއާއި ރިއްސާ އަޅާކިޔާއިރު އިންސާނީ ވަސީލަތުގެ އަގު ބޮޑުކަމަށް ތަޢުލީމީ ވަޒީރު ޑރ. އިސްމާޢީލް ޝަފީޢު ވިދާޅުވެއްޖެއެވެ.

ޤައުމީ ޔުނިވާސިޓީގެ ދަސްވެނީންގެ މިއަދުގެ ހެނދުނު ދަންފަޅީގައި ބައިވެރިވެވަޑައިގެން ވަޒީރު ވިދާޅުވީ، ގައުމައިގެން ކުރިއަށް ދާނީ އިލްމުވެރި، ހުނަރުވެރި، އަމާނާތްތެރި އަދި ކެރޭ ބައެއްގެ މުހިންމުކަމުންކަމަށެވެ. ވަޒީރު ވިދާޅުވީ، ދިވެހިރާއްޖޭގެ ޤައުމީ ޔުނިވަރސިޓީން ހަގީގަތުގައިވެސް ކުރަމުންދަނީ ވަރަށް ބޮޑު އިންވެސްޓްމަންޓެއްކަމަށެވެ. ކުލާހަށް ދަރިވަރުން ހާޒިރުވެގެން ކިޔަވައިދެއްވާ މުދައްރިސުންނާއެކު ހޭދަކުރަނީ ވަރަށް އަގުހުރި ވަގުތުތަކެއްކަން ފާހަގަކުރައްވައި ވަޒީރު ވިދާޅުވީ، ފިލާވަޅުތަކަށްވުރެ މާ އަގުހުރި ކަންތައްތަކެއް ކުލާސްތެރެއިން ދަރިވަރުންނަށް ދަސްވާނެކަމަށެވެ.

 ކުލާހަކަށް ވަކި ވަގުތުތަކެއްގައި ދަރިވަރުން އައިސް ލެކްޗަރާއިންނާއެކު ތިހޭދަ ކުރެއްވި ވަގުތަކީ ވަރަށް އަގުހުރި ވަގުތުތަކެއް. ފިލާވަޅުތަކަށްވުރެ މާ އަގުހުރި ވާހަކަތައް ކްލާސްތެރޭގައި ދެކެވިފައި ހުންނާނެ.

ޑރ. އިސްމާޢީލް ޝަފީޢު ވިދާޅުވިއެވެ.

ޤައުމީ ޔުނިވަރސިޓީގެ ހިޔާވަހިކަމުން ނިކުންނަ ހުރިޙާ ދަރިވަރުންނަކީވެސް ޤައުމަށް ޚިދުމަތްކުރުމުގައި، ޤައުމާއިގެން ކުރިއަށްދާ ބަޔަކުކަމަށްވުމަށް ވަޒީރު ވަނީ އެދިވަޑައިގެންފައެވެ.