ހދ. ކުޅުދުއްފުއްޓަށް ގޮސް އުޅުނު، އެ އަތޮޅު ނޭކުރެންދޫ ޒުވާނަކު ރުކަކުން ވެއްޓި ފަރުވާ ދެމުން ދަނިކޮށް މިއަދު މަރުވެއްޖެއެވެ.

މަރުވެފައިވަނީ ހދ. ނޭކުރެންދޫ، ކާމިނީގެ، ހުސައިން ޝިފާޒެވެ.

އުމުރުން 36 އަހަރުގެ ޝިފާޒު މަރުވީ، އައިޖީއެމްއެޗުގެ ވެންޓިލޭޓަރުގައި ފަރުވާ ދެމުން ދަނިކޮށެވެ.

ޝިފާޒު ވެއްޓުނީ މީގެ ހަފުތާއެއްހާ ދުވަސްކުރިން، މަސައްކަތެއް ކުރުމަށް ކުޅުދުއްފުއްޓަށް ގޮސް ރުކަށް އަރާ އުޅުމުގެ ތެރޭގައިއެވެ.

އޭނާއަށް ފުރަތަމަ ފަރުވާދިނީ ކުޅުދުއްފުށީ ރީޖިނަލް ހޮސްޕިޓަލްގައެވެ. އިތުރު ފަރުވާއަށް މާލެ ގެނައީ މީގެ ތިން ދުވަސް ކުރިންނެވެ.

މިއަދުގެ އަސްރު ނަމާދުގެ ފަހުގައި އޭނާގެ ޖަނާޒާ ވަނީ އާސަހަރާ މިސްކިތުގައި ބާއްވާފައެވެ.