ހުސްވެފައިވާ ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ ބައި އިލެކްޝަނުގައި ޕީއެންސީގެ ޓިކެޓްގައި ވާދަކުރާނެ ކެންޑިޑޭޓަކު ހޮވުމަށް މިއަދު ބޭއްވި ޕްރައިމަރީ، އެ ދާއިރާގެ ކުރީގެ މެންބަރު މުހައްމަދު ސިނާން ބޮޑު ތަފާތަކުން ކާމިޔާބުކޮށްފިއެވެ.
މި އިންތިހާބުގައި ސިނާނާ އެކު ދެން ވާދަކުރީ ހިތަދޫ މޫލެކެޑެ ދާއިރާގެ މިހާރުގެ ކައުންސިލަރު އަހުމަދު ސައީދުއެވެ.
ހިތަދޫގައި ބެހެއްޓި ވޯޓު ފޮށިން ސިނާނަށް ލިބިފައިވަނީ 167 ވޯޓެވެ. އަދި ސައީދަށް ލިބިފައި ވަނީ 149 ވޯޓެވެ.
މާލޭގައި ބެހެއްޓި ވޯޓުފޮށިން ސިނާނަށް 59 ވޯޓު ލިބުނު އިރު ސައީދަށް 37 ވޯޓު ލިބުނެވެ.
ޖޫން 6 ގައި ބޭއްވުމަށް ހަމަޖެހިފައިވާ ބައި އިލެކްޝަންގައި އިދިކޮޅު އެމްޑީޕީގެ ފަރާތުން ވާދަކުރައްވަނީ އައްޑޫގެ ކުރީގެ މޭޔަރު އަބްދުﷲ ސާދިގެވެ.
ކިޔުންތެރިންގެ ހިޔާލު