ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ސަރުކާރުން ބިންގާ އަޅައި، އިމާރާތްކުރި ފުރަތަމަ ސްކޫލް ކަމަށްވާ “ޝަހީދު ޢަލީ ސްކޫލް”ގައި މިއަދު ކިޔަވައިދޭން ފަށައިފިއެވެ.
1900އަށްވުރެ ގިނަ ދަރިވަރުންނާއެކު މިއަދު ކިޔަވައިދޭންފެށި ޝަހީދު ޢަލީ ސްކޫލްގައި 230 މުދައްރިސުން ކިޔަވައިދޭނެއެވެ. ޒަމާނީ ވަސީލަތްތަކާއެކު ހުޅުމާލޭ ދެވަނަ ފިޔަވަހީގައި ތަރައްޤިކޮށްފައިވާ މި ސްކޫލާއެކު ހުޅުމާލެއަށް އިތުރުވަމުން އަންނަ އާބާދީއަށް ވަރަށް ބޮޑަށް ފަސޭހަވާނެއެެވެ.
2023 ވަނަ އަހަރުގެ ޑިސެމްބަރު މަހުގެ 23 ވަނަ ދުވަހު ބިންގާ އެޅި މި ސްކޫލްގެ މަސައްކަތް އެއްކޮށް ނިންމާފައިމިވަނީ ދެ އަހަރެއްހާ ދުވަހުގެތެރޭގައެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެންމެ އިސްކަންދެއްވާ އެއް ދާއިރާއަކީ ތަޢުލީމީ ދާއިރާއެވެ. އެމަނިކުފާނުގެ ތަޢުލީމީ ސިޔާސަތުގެދަށުން އެ ދާއިރާއަށް އަންނަނީ ގިނަ ހެޔޮ ބަދަލުތަކެއް ގެންނަވައި ހަރުދަނާކުރައްވަމުންނެވެ.
އެންމެ ޒަމާނީ ވަސީލަތްތަކާއެކު ކިޔަވައިދޭން ފެށި މި ސްކޫލްގެ ހުރިހާ ކްލާސްރޫމެއް ވަނީ އޭސީކޮށްފައެވެ. މި ސްކޫލްގައި ސްކޫލް ހޯލުގެ އިތުރުން ޚާއްޞަ އޮޑިޓޯރިއަމެއް ގާއިމްކޮށްފައިވެއެވެ. އެންމެ ފެންވަރު ރަނގަޅު ލައިބްރަރީއާއި، ސައިންސް އަދި ކޮމްޕިއުޓަރު ލެބްތައްވެސް މި ސްކޫލްގައި ވަނީ ޤާއިމްކޮށްފައެވެ. އަދި 20 މީހުންގެ ޖާގައިގެ ތިން ލިފްޓާއި، ހަކަތަ ކުޑަކުރުމަށް ސޯލާ ޕެނެލް ސިސްޓަމް ވެސް ވަނީ ޤާއިމްކޮށްފައެވެ.
5 ފަންގިފިލާއަށް ތަރައްޤީ ކޮށްފައިވާ، 50 ކްލާސްރޫމް ހުރެއެވެ.
ކިޔުންތެރިންގެ ހިޔާލު