ކުރިއަށް އޮތް ލޯކަލް ކައުންސިލް އިންތިހާބުގައި މައްޗަންގޮޅީ އުތުރު ދާއިރާގެ ޕީއެންސީ ޕްރައިމަރީގައި ވާދަކުރާކަން ފިލްމީ ތަރި ޔޫސުފް ޝަފީއު އަލީ (ޔޫއްޕެ) އިއުލާންކޮށްފިއެވެ.
ފޭސްބުކުގައި މިއަދު ކުރި ޕޯސްޓެއްގައި ޔޫއްޕެ ވަނީ މައްޗަންގޮޅި އުތުރު ދާއިރާއަށް ނިސްބަތްވާ ޕީއެންސީ މެންބަރުންގެ ތާއީދަށް އެދިފައެވެ.
ޔޫއްޕެ ޕީއެންސީއާ ގުޅުނީ ދާދިފަހުން ބޭއްވި އެ ޕާޓީގެ ޖަލްސާއެއްގައެވެ.
އޭނާ އަކީ ރާއްޖޭގެ ފިލްމީ ދާއިރާގައި އެންމެ ފާހަގަކޮށްލެވޭ ތަރިންގެ ތެރޭގައި ހިމެނޭ ފަރާތެކެވެ.
އަންނަ ހޮނިހިރު ދުވަހު ބާއްވާ ޕްރައިމަރީ އަކީ މިހާތަނަށް ރާއްޖޭގައި ސިޔާސީ ޕާޓީއަކުން ބާއްވާނެ އެންމެ ބޮޑު އެތެރޭގެ އިންތިހާބު ކަމަށް ޕީއެންސީގެ ކެމްޕޭން މެނޭޖަރު އިބްރާހީމް ފަލާހު ވަނީ ވިދާޅުވެފައެވެ.
ކިޔުންތެރިންގެ ހިޔާލު