ގާޒާ ސިޓީ ހިފުމަށް އިސްރާއީލު ސިފައިން އެއްގަމުމަގުން އެ ސިޓީއަށް އަރައިގަތް މައްސަލާގައި އިސްރާއީލުގެ އިދިކޮޅު ލީޑަރު ޔައިރް ލަޕިޑް ނަތަންޔާހޫއަށް ވަރަށް ބޮޑަށް ފާޑުކިޔައިފިއެވެ.
އިސްރާއީލުގެ ވައިނެޓަށް ދިން އިންޓަރވިއުއެއްގައި ލަޕިޑް ބުނީ، އެއްގަމުމަގުން ގާޒާ ސިޓީއަށް ސިފައިން ފޮނުވުމުގެ ނަތީއަކަށް ވާނީ ސިފައިން މަރާ ކުރިމަތިލާން ޖެހުން ކަމަށެވެ.
އެކަމުގެ ސަބަބުން، ގާޒާ ސިޓީގައި ތިބި ކަމަށް ބެލެވޭ އިސްރާއީލުގެ ގައިދީންވެސް މަރުވާނީ ކަމަށް ލަޕިޑް ބުނެފައި ވެއެވެ.
ނަތަންޔާހޫ، ގާޒާ ސިޓީއަށް އެއްގަމުން ސިފައިން ފޮނުވި މަގްސަދެއް އެކަކަށްވެސް ނޭނގޭ ކަމަށް އޭނާ ބުނެފައި ވެއެވެ.
ނަތަންޔާހޫ ހިންގި ސިޔާސީ މަގްސަދެއް ނެތް އަސްކަރީ އޮޕަރޭޝަނެއްގެ ވާހަކަ އޭނާ މިހާތަނަށް އަޑުއަހާފައި ނުވާ ކަމަށްވެސް ލަޕިޑް ބުނެފައި ވެއެވެ.
ނަތަންޔާހޫ ޣައްޒާއާ ދެކޮޅަށް ކުރަމުންދާ ހަނގުރާމައިން ހާސިލްކުރަން ބޭނުންވާ ކަމެއް އަދި އެކަމުގެ އާޚިރު ނަތީޖާއަކީ ކޮބައިކަން ސާފު ނުވާތީ ލަޕިޑް ވަނީ ކަންބޮޑުވުން ފާޅުކޮށްފައެވެ.
ގައިދީން އަނބުރާ ގެނެވޭނޭގޮތެއް އަދި ހަނގުރާމަ ނިމިގެންދާނޭގޮތެއްވެސް ނޭނގޭ ކަމަށް އޭނާ ބުނެފައި ވެއެވެ.
އެހުރިހާ ކަމެއް ޣައްޒާގައި ހިންގަމުން، ބައިނަލްއަގްވާމީ ގޮތުން އިސްރާއީލު އެކަހެރި ކުރަމުންދާތީ ނަތަންޔާހޫ ރޮމުންދާ ކަމަށްވެސް، އިސްރާއީލުގެ އިދކޮޅު ލީޑަރު ބުނެފައި ވެއެވެ.
އެއްގަމުމަގުން ގާޒާ ސިޓީއަށް ސިފައިން ވަދެގަތުމާއެކު، ގައިދީންގެ އާއިލާތަކުންވަނީ ނަތަންޔާހޫގެ ގެ ކައިރީގައި ކުރަމުންދާ މުޒާހަރާ ހޫނުކޮށްފައެވެ. އާއިލާތަކުން ބުނަނީ، ހަމަލާތައް ހުއްޓާލައި ގައިދީން މިނިވަން ކުރުމަށް ހުރަސްއަޅަނީ އިސްރާއީލުގެ މަރުގެ ކެބިނެޓުން ކަމަށެވެ.
ކިޔުންތެރިންގެ ހިޔާލު