ޒަމާނީ ވަސީލަތްތަކާއެކު މި ސަރުކާރުން ފުށިދިއްގަރު ފަޅުގައި ރަސްމާލެގެ ނަމުގައި ސިޓީ ތަރައްގީކޮށް ނިމުމުން އެތަނަށް ދިރިއުޅުން ބަދަލުކުރަން ނިންމާފައިވާކަން ރައްޔިތުންގެ މަޖިލީހުގެ ކެންދޫ ދާއިރާގެ މެންބަރު މައުރޫފް ޒާކިރު ހާމަކުރައްވައިފިއެވެ.
އެމްޑީޕީގެ ޕާލަމެންޓްރީ ގްރޫޕުން މިއަދު ވަނީ ރަސްމާލެ ހިއްކުމުގެ މަސައްކަތް ކުރިއަށްދާގޮތް ބައްލަވާލެއްވުމަށް އެތަނަށް ވަޑައިގެންފަ އެވެ.
ރަސްމާލޭގައި ހުންނަވައި މީޑިއާއަށް މައުލޫމާތު ދެއްވަމުން މައުރޫފް ވިދާޅުވީ ރަސްމާލެ އަކީ ޒަމާނީ ތަރައްގީއާ އެކު، ދިވެހިންނަށް ބޯހިޔާވަހިކަން ފޯރުކޮށްދިނުމުގެ ވައުދުގެ މަތީގައި މިހާރުގެ ސަރުކާރުން ކުރަމުން އަންނަ މަސައްކަތެއް ކަމަށެވެ. ނަމަވެސް އެތަނުގެ މަސައްކަތް ލަސްވާތީ އޭނާ ކަންބޮޑުވުންފާޅުކުރެއްވިއެވެ.
“އަޅުގަނޑު ވެސް ﷲ އިރާދަކުރެއްވިއްޔާ ދިރިއުޅެން އަންނާނީ މިތަނަށް. މިތަން ނިމުނުހާ އަވަހަކަށް،” މެމްބަރު މައުރޫފް ވިދާޅުވިއެވެ.
އެމްޑީޕީގެ މަޖިލިސް މެންބަރުން ވަނީ ރަސްމާލެ ސައިޓްގައި ތިބި މަސައްކަތް ކުރާ ކުންފުނީގެ ބައެއް ފަރާތްތަކާ ބައްދަލުކޮށް މައުލޫމާތު އޮޅުންފިލުވާފައެވެ.
ކިޔުންތެރިންގެ ހިޔާލު