މާލޭގެ މަގުތަކުން ފުލުހުން މިއަދު އެކަނި 200 އަށްވުރެ ގިނަ ވެހިކަލް ޓޯކޮށްފިއެވެ.

ފުލުހުން ބުނީ މިއަދު ޓޯކޮށްފައި ވަނީ ޖުމުލަ 168 ދެފުރޮޅުލީ އުޅަނދާއި ހަތަރުފުރޮޅުލީ 40 އުޅަނދެވެ.

މިއީ މާލޭގެ މަގުތަކަކީ އެންމެންނަށް ރައްކާތެރި، ހިތްފަސޭހަ ތަނަކަށް ހެދުމަށް ކުރަމުން އަންނަ މަސައްކަތެއް ކަމަށް ފުލުހުން ބުންޏެވެ. މީގެކުރިން ވެސް މާލެ ސަރަހައްދުގެ މަގުތަކުގައި ދިގު މުއްދަތަކަށް ބޭނުންނުކޮށް ހުންނަ ވެހިކަލްތައް ނަގައި، ޓޯކުރެއެވެ.

މި މަސައްކަތް ފުލުހުން ކުރަމުން އަންނަނީ، މާލޭ ސިޓީ ކައުންސިލާއި ސިޓީތަކާއި އިދާރީ ދާއިރާތައް ހިންގުމާބެހޭ ވުޒާރާއާ ގުޅިގެންނެވެ.

މިދިޔަ ފެބްރުއަރީ މަހުގެ ތެރޭގައި، ފުލުހުން ވަނީ މާލޭގެ މަގުތަކުގައި ބޭނުންނުކޮށް ބަހައްޓާފައި ހުރި 400އަށްވުރެ ގިނަ ވެހިކަލްތައް ނަގާފައެވެ.

ހުޅުމާލޭގެ މަގުތަކުން ވެސް މީގެކުރިން އެފަދަ އުޅަނދުތައް ނަގާފައިވެއެވެ.