ގެދޮރުވެރިޔާ ސްކީމްގެ ދަށުން ފަހި ދިރިއުޅުން ކޯޕަރޭޝަނުން ތަރައްގީކުރަމުންދާ 4000 ސޯޝަލް ހައުސިންގ މަޝްރޫއުގެ 1000 އަށްވުރެ ގިނަ އެއްބަސްވުމުގައި ސޮއިކޮށްފިއެވެ
ފަހި ދިރިއުޅުން ކޯޕަރޭޝަނުން ހާމަކުރި މައުލޫމާތުގައިވާ ގޮތުން، މިހާތަނަށް ޖުމްލަ 1،530 އެއްބަސްވުން ތާވަލުކުރެވި، އޭގެ ތެރެއިން 1،202 އެއްބަސްވުމުގައި ވަނީ ސޮއިކޮށްފައެވެ. މިއީ އެ ކޯޕަރޭޝަނުން ހާސިލްކުރި އެންމެ މުހިއްމު އެއް ލަނޑުދަނޑި ކަމަށް ފަހި ދިރިއުޅުމުން ވަނީ ފާހަގަކޮށްފައެވެ.
ގެދޮރުވެރިޔާ ސްކީމަކީ ރާއްޖޭގެ ގެދޮރުގެ ދަތިކަން ހައްލުކުރުމަށް ސަރުކާރުން ކުރިއަށް ގެންދާ އެންމެ ބޮޑު އެއް މަޝްރޫއެވެ. މި މަޝްރޫއުގެ ދަށުން ތަރައްގީކުރާ 4000 ހައުސިންގ ޔުނިޓަކީ އާންމު ރައްޔިތުންނަށް ހާއްސަކޮށްގެން ތަރައްގީކުރާ ބޯހިޔާވަހިކަމުގެ މަޝްރޫއެކެވެ.
މި މަޝްރޫއުގެ ދަށުން ބާކީ ހުރި އެއްބަސްވުންތަކުގައިވެސް ވީ އެންމެ އަވަހަކަށް ސޮއިކުރެވޭނެ ކަމަށް ފަހި ދިރިއުޅުމުން ބުނެއެވެ.
ކިޔުންތެރިންގެ ހިޔާލު