ގެވެށި އަނިޔާގެ ރިޕޯޓު ލިބުނު ފްލެޓަކުން ގިނަ އަދަދެއްގެ ވޭޕް ފްލޭވަރ ފުޅިތަކެއް ފުލުހުންގެ ބެލުމުގެ ދަށަށް ގެންގޮސްފިއެވެ.

ދިވެހި ފުލުހުންގެ ޚިދުމަތުން ވިދާޅުވީ މިމަހުގެ 7ވަނަ ދުވަހުގެ ރޭގަނޑު 21:14 ކަންހާއިރު، ހުޅުމާލޭގެ ދެވަނަ ފިޔަވައްސަށް ހުށަހެޅުނު ގެވެށި އަނިޔާގެ މައްސަލައަކާ ގުޅިގެން ހިޔާ ފްލެޓްގެ އެޕާޓްމެންޓެއް ބަލައި ފާސްކޮށްފައިވާކަމަށެވެ. އަދި އެ އެޕާޓްމަންޓް ބަލައި ފާސްކުރުމުގެ ތެރެއިން 242 ވޭޕު ފްލޭވަރ ފުޅި ފެނިފައިވާކަމަށާއި، އެ ތަކެތި ފުލުހުންގެ ބެލުމުގެ ދަށަށް ގެންގޮސްފައިވާކަމަށްވެސް ވިދާޅުވިއެވެ.

މި މައްސަލަ ހުށަހެޅާފައިވަނީ ކޮން ފްލެޓަކުން ކަމެއް ފުލުހުން ހާމަކޮށްފައެއް ނުވެއެވެ، އަދި މި މައްސަލަ އިތުރަށް ތަޙުޤީޤު ކުރައްވަމުން ގެންދަވާކަމަށް ވަނީ ވިދާޅުވެފައެވެ.