މާލޭ ވިޔަފާރިބަނދަރުގައި އޮތް ބޯޓުތަކުން 4720 ބަސްތާ ފިޔާ ބާލާފައިވާކަމަށް މޯލްޑިވްސް ޕޯޓްސް ލިމިޓެޑް، (އެމްޕީއެލް) އިން ހާމަކޮށްފިއެވެ.
މޫސުން ގޯސްވުމުގެ ސަބަބުން ބޯޓުތަކުން ފިޔާ ބޭލުން ލަސްވުމުގެ ސަބަބުން ބާޒާރުމަތީ ގިނަ ފިހާރަތަކުން ވަނީ ފިޔާ ހުސްވެފަ އެވެ. މިކަމުގެ ސަބަބުން ރައްޔިތުންނަށް ފިޔާ ލިބުމުގައި ވަނީ ދަތިތަކެއް ކުރިމަތިވެފައެވެ.
އެމްޕީއެލް އިން މިއަދު ބުނީ އަންގާރަ ދުވަހުން ފެށިގެން މިހާތަނަށް 4720 ބަސްތާގެ ފިޔާ ބޯޓުތަކުން ބާލައި ގުދަނަށް ގެންގޮށްފައިވާކަމަށެވެ.
އެގޮތުން ވިޔަފާރި ބަނދަރުގައި އޮތް ތިން ބޯޓަކުން ކޮންމެހެން ބޭނުންވާ މުދާ ބޭލިއިރު އޭގެ ތެރޭގައި ފިޔާ ހިމެނޭކަން އެ ކުންފުނިން ބުންޏެވެ. އެމްޕީއެލް އިން ބުނީ މޫސުން ތަންދޭ ވަރަކުން ބޯޓުން މުދާ ބޭލުމުގެ ކަންކަން ކުރިއަށްގެންދާކަމަށެވެ.
އެހެންކަމުން ކުރިއަށް އޮތް ދުވަސްތަކުގައި ރައްޔިތުންނަށް ފިޔާ ލިބުމުގެ މައްސަލަ ހައްލުވާނެއެވެ.
ކިޔުންތެރިންގެ ހިޔާލު