ރާއްޖޭގެ ރައްޔިތުންނަށް ފިޔާ ލިބުމުގައި ދަތިތަކެއް ކުރިމަތިވެފައިވާތީ އެކަން ހައްލުކުރަން އަވަސް ފިޔަވަޅުތަކެއް އަޅަން އެސްޓީއޯ އިން ފަށައިފިއެވެ.
މޫސުން ގޯސްވެ މުދާ ކްލިއާކުރުމުގައި ދަތިތަކެއް ހުރުމުން ބާޒާރުގައި ފިޔާ ލިބުން ވަނީ ދަތިވެފައެވެ. އެކަމުގެެ ސަބަބުން ރައްޔިތުންނަށް ދަރިވާތީ އެސްޓީއޯއަކަށް ކެތެއްނުވިއެވެ. އެހެންވެ، ރައްޔިތުންނަށް ދަތިނުވެ ފިޔާ ލިބޭނެ ގޮތް ހަދަން އެ ކުންފުނިން ވަގުތުން މަސައްކަތް ފަށައިފިއެވެ.
އެސްޓީއޯއިން ބުނީ ވަރަށް އަވަހަށް ރާއްޖެއަށް ފިޔާ ޝިޕްމަންޓެއް ގެނެސް ބާޒާރުން ފަސޭހަކަމާއެކު ރައްޔިތުންނަށް ލިބޭނެގޮތް ހަމަޖެއްސުމުގެ މަސައްކަތް ކުރަމުން އަންނަ ކަމަށެވެ.
މިފަދަ ކޮންމެ ދަނޑިވަޅެއްގައި ވެސް ފަސޭހަކަމާއެކު ޒަރޫރީގޮތުން ބޭނުންކުރާ ކާބޯތަކެތި ހެޔޮއަގުގައި ރައްޔިތުންނަށް ފޯރުކޮށްދިނުމުގައި އަބަދުވެސް އެސްޓީއޯ ދެމިއޮވެއެވެ. މާޒީގައި އެ ކުންފުނިން ވަނީ އެކަން ސާބިތުކޮށްދީފައެވެ.
ކިޔުންތެރިންގެ ހިޔާލު