ހުޅުމާލޭ ދެވަނަ ފިޔަވަހީގައި ތަރައްޤީ ކުރަމުންދާ 4000 ހައުސިން ޔުނިޓް ދިވެހި ސަރުކާރާއި ރަސްމީކޮށް ހަވާލުކޮށްފި އެވެ.

ފަހި ދިރިއުޅުން ކޯޕަރޭޝަނުން ތަރައްޤީ ކޮށްފައިވާ މި ހައުސިން ޔުނިޓްތަކަކީ އިންޑިއާގެ އެހީގައި ތަރައްޤީ ކޮށްފައިވާ ޔުނިޓްތަކެކެވެ. މި ޔުނިޓްތައް މިހާރު ވަނީ ނިމުމަކާ ހަމައަށް އައިސްފަ އެވެ.

އިންޑިއާގެ ބޮޑުވަޒީރު ނަރެންދުރަ މޯދީ މިހާރު ރާއްޖެއަށް ކުރައްވަމުން ގެންދަވާ ދަތުރުފުޅުގެ ތެރެއިން މިއަދު ބޭއްވި ރަސްމިއްޔާތެއްގައި އެ ޔުނިޓްތައް ރަސްމީކޮށް ދިވެހި ސަރުކާރާއި ވަނީ ހަވާލުކޮށްފަ އެވެ. އެ ގޮތުން “ރަމްޒީ ތަޅުދަނޑި” ބޮޑުވަޒީރު މޯދީ ވަނީ ރައީސް މުޢިއްޒުއާ ވަނީ ހަވާލު ކުރައްވާފަ އެވެ.

ހަތަރު ހާސް ފްލެޓް ތަރައްޤީ ކުރުމުގެ މަސައްކަތުގެ ދުވެލި ހަލުވިކުރައްވައި، ވީ އެންމެ އަވަހަކަށް ރައްޔިތުންނަށް ބޯހިޔާވަހިކަން ކަށަވަރުކޮށް ދެއްވުމަށްޓަކައި، މިދިޔަ 18 މަސްދުވަހުގެ ތެރޭގައި ސަރުކާރުން ވަނީ ގިނަ މަސައްކަތްތަކެއް ކުރައްވައިފަ އެވެ. ސަރުކާރުގެ އަމާޒަކީ، މީގެ ތެރެއިން މަސައްކަތް މުޅީން ނިމޭ ޓަވަރުތަކުގައި މިއަހަރު މީހުން ދިރިއުޅެން ފެށުމެވެ. އަދި މި މަޝްރޫޢު ވީހައި އަވަހަކަށް މުޅީން ފުރިހަމަކުރެއްވުމެވެ.

ފާއިތުވި ސަރުކާރުގައި މަޝްރޫޢު ފަށައިގެން 669 ދުވަހުގެ ތެރޭގައި ކުރިއަށް ގެންދެވުނީ އެންބީސީސީއާ ހަވާލުކޮށްގެން އަޅަމުންދާ 2،000 ހައުސިން ޔުނިޓުގެ 38 އިންސައްތަ މަސައްކަަތެވެ. ކޭޕީއެލްއާ ހަވާލުކޮށްގެން ބިނާކުރާ 2،000 ހައުސިން ޔުނިޓުގެ 45 އިންސައްތަ އެވެ.

ނަމަވެސް މި ސަރުކާރުން ހަވާލުވި ދުވަހުން ފެށިގެން ކޮންމެ މަހަކު މަސައްކަތް ކުރިއަށްދާ މިންވަރު 1.73 އިންސައްތައިން 2.78 އިންސައްތައަށް އިތުރުކުރި އެވެ. ނަތީޖާއެއްގެ ގޮތުން މިހާރު ދެ މަޝްރޫއުގެ މަސައްކަތްވެސް 98 އިންސައްތައާ ހަމައަށް ވަނީ ނިންމާލެވިފަ އެވެ.