މާލޭގެ ކެފޭއަކަށް މިރޭ ގެއްލުންދީފިއެވެ.
ފުލުހުން ބުނީ މަޖީދީމަގުގައި ހުންނަ އަތަމާ ޕެލަސް ގައި ބަހައްޓާފައި ހުންނަ ޝޯކޭސް ތަޅާލާފައިވާ މައްސަލަ މިރޭ 18:34 ހާއިރު ފުލުހުންނަށް ހުށަހެޅިފައިވާ ކަމަށެވެ.
އެ މައްސަލަ ތަހުގީގު ކުރަމުން އަންނަ ކަމަށް ވެސް ފުލުހުން ބުންޏެވެ.
އެ ކެފޭއަށް ލިބިފައިވާ ގެއްލުންތައް ފެންނަ ފޮޓޯތަކެއް ސޯޝަލް މީޑިއާގައި ވަނީ އާންމުވެފައެވެ. އެ ފޮޓޯތަކުން ފެންނަގޮތުގައި ޝޯ ކޭސް ތަޅާލުމުން އޭގައި ބަހައްޓާފައިވާ ބައެއް ކާތަކެތި ވަނީ ބިންމައްޗަށް ވިއްސައިގެން ގޮސްފައެވެ. މި މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރެއް ނުކުރެއެވެ.
ކިޔުންތެރިންގެ ހިޔާލު