ލޭންޑިން ކްރާފްޓް ބަންޑުން ޖަހާލި ހާދިސާގައި ގެއްލުނު ބިދޭސީ މީހާ ހޯދަން ބޮޑު ސަރަހައްދެއް ބެލިފައިވީ ނަމަވެސް، އަދިވެސް އޭނާ ފެނިފައިނުވާ ކަމަށް އެމްއެންޑީއެފް އިން ބުނެފިއެވެ.
މި މަހުގެ 25 ވަނަ ދުވަހު މާލެ އިން ފުރައިގެން ޅ. އަތޮޅަށް ދަތުރުކުރި ލޭންޑިން ކްރާފްޓުން ދަތުރުކުރީ ދެ ސިފައިންނާއި އާންމުންގެ މީހެއް އަދި ތިން ބިދޭސީންނެވެ. އޭގެ ތެރެއިން ސިފައިންގެ މީހެއް ނިޔާވެފައިވާ އިރު، ބިދޭސީ މީހަކު ވަނީ ގެއްލިފައެވެ.
އެމްއެންޑީއެފުން ބުނީ، ބިދޭސީ މީހާ ހޯދުމަށް 1035 އަކަ ނޯޓިކަލް މޭލުގެ ސާފޭސް ސާޗުކޮށްފައިވާ ކަމަށާއި 1496 އަކަ ނޯޓިކަލް މޭލުގެ ސަރަހައްދެއް އޭރިއަލް ސާޗުގައި ބަލާފައިވާ ކަމަށެވެ. އަދިވެސް އޭނާ ހޯދުމުގެ މަސައްކަތް ކުރަމުން އަންނަ ކަމަށް އެމްއެންޑީއެފުން ބުންޏެވެ.
އުޅަނދުން ދަތުރުކުރި މީހުންގެ ތެރެއިން ނިޔާވެފައި އޮއްވައި ފެނުނީ އެމްއެންޑީއެފްގެ ވޮރަންޓް އޮފިސަރު 2، އަލީ ހާމިދު އެވެ.
ކިޔުންތެރިންގެ ހިޔާލު