ދިވެހި ފުލުހުންގެ ޚިދުމަތުން އިންތިޒާމުކުރާ “ފުލުހަކާއެކު ކޮފީއެއް” ހަރަކާތް ފަސްކޮށްފިއެވެ.
ފުލުހުން އެކްސްގައި ކުރި ޕޯސްޓެއްގައި ބުނެފައިވަނީ މިއަދު ބޭއްވުމަށް ހަމަޖެހިފައިވާ “ފުލުހަކާއެކު ކޮފީއެއް” ހަރަކާތް މޫސުން ގޯސް ވުމުގެ ސަބަބުން ފަހުގެ ތާރީޚަކަށް ފަސް ކުރެވިފައިވާ ކަމަށެވެ. ނަމަވެސް މި ހަރަކާތް ފަސްކުރެވުނު ތާރީޚެއް ފުލުހުން ހާމައެއް ނުކުރެއެވެ.
“ފުލުހަކާއެކު ކޮފީއެއް” ހަރަކާތް ބޭއްވުމަށް ތާވަލުކޮށްފައި އޮތީ މިއަދު ހަވީރު 4:30 އިން 6:00 އަށް ހުޅުމާލޭ ދެވަނަ ފިޔަވަހީގެ ހިޔާ ޕާކު ސަރަހައްދުގައެވެ.
ފުލުހުން ބުނީ މި ހަރަކާތުގެ ތެރެއިން ފުލުހުންނާއެކު އެކުވެރި މާހައުލެއްގައި ބައްދަލުވެ، ވާހަކަދައްކާލުމުގެ ފުރުސަތު ލިބޭނެ ކަމަށެވެ.
ކިޔުންތެރިންގެ ހިޔާލު