ކޮންމެ ހުކުރު ދުވަހެއްގެ ހެނދުނު 6:00 އިން 9:00 އަށް މާލެ އާއި ވިލިމާލޭގެ ބައެއް މަގުތަކުގައި ވެހިކަލް ދުއްވުން މަނާވާ ގޮތަށް ހެދުމަށް މާލެ ސިޓީ ކައުންސިލުން ނިންމައިފިއެވެ.
މާލެ ސިޓީ ކައުންސިލުން މިއަދު ބޭއްވި ކައުންސިލް ބައްދަލުވުމުގައި މާލޭގެ މޭޔަރު އާދަމް އާޒިމް ވިދާޅުވީ ކުޑަކުދިން ގެއިން ބޭރަށް ނުކުމެ، މަގުމަތީގައި ކުޅެ އުޅުމުގެ ފުރުސަތު ހޯދައިދޭން ޖެހޭ ކަމަށެވެ.
މާލެ ތެރޭގައި ކުދިންނަށް ކޮންމެވެސް ވަރެއްގެ ރައްކާތެރި މާހައުލަކަށް ނުކުމެ އުޅުމުގެ ފުރުސަތު ލިބޭނެ އެއް ގޮތަކީ ހުކުރު ދުވަހު ވަކި ވަގުތުތަކަކަށް ބައެއް މަގުތައް ބަންދުކޮށްގެން ކަމަށް މޭޔަރު ވިދާޅުވިއެވެ.
އެ މަޝްވަރާގެ ތެރެއިން ކައުންސިލަރު ސައިފް ފާތިހު ހުށަހަޅުއްވާފައިވަނީ ކޮންމެ ހުކުރު ދުވަހެއްގެ ހެނދުނު 6:00 އިން 9:00 އަށް ބައެއް މަގުތަކުގައި ވެހިކަލް ދުއްވުން މަނާވާ ގޮތަށް ހެދުމަށެވެ. ބައްދަލުވުމުގައި ބައިވެރިވި މެންބަރުންގެ އަގުލަބިއްޔަތުން ވަނީ ސައިފްގެ ހުށަހެޅުއްވުން ފާސްކޮށްފައެވެ.
ކައުންސިލުން އެގޮތަށް ފާސްކުރި ނަމަވެސް، އެގޮތަށް ބަދަލު ގެނައުމުގެ ކުރިން ފުލުހުންނާ މަޝްވަރާކުރުމަށް ވަނީ ނިންމައިފައެވެ.
ކިޔުންތެރިންގެ ހިޔާލު