ހުޅުމާލެ ފޭސް ދޭއްގެ އެޗް 11 ކައިރީ މިދިޔަ ހޯމަ ދުވަހުގެ ރޭ ހިންގި މާރާމާރީއާ ގުޅިގެން ހައްޔަރުކުރި މީހާ ޝަރީއަތް ނިމެންދެން ބަންދުކޮށްފިއެވެ.

އެ މައްސަލައިގައި ހައްޔަރުކޮށްފައިވަނީ މއ. ޝެލްޓާ/ މުހައްމަދު ރައިހާން ހުސައިން (18އ) އެވެ. އޭނާ ހައްޔަރުކުރީ ކޯޓު އަމުރެއްގެ ދަށުން ރޭ 23:10 އެހާކަންހާއިރެވެ.

ފުލުހުން އިއްޔެ ބުނެފައިވަނީ އެ މާރާމާރީގައި ދެ މީހަކަށް އަނިޔާވި ކަމަށެވެ. އޭގެ ތެރެއިން އެކަކުގެ ބޯ ފަޅައިގެން ދިޔައިރު ދެވަނަ މީހާގެ ބުރަކަށީގެ އެކިތަންތަން ދުޅަވެ ދެ އަތުގެ އުޅަނބޮށި މަށައިގެން ގޮސްފައިވާ ކަމަށް ބުންޏެވެ.

އޭގެ އިތުރުން މާރާމާރީ ހިންގި ދެ މީހުންގެ ފޯނު ފޭރިގަނެފައިވާ ކަމަށްވެސް ފުލުހުން ބުނެފައިވެއެވެ.