މަސްތުވާތަކެތި ރާއްޖެއިން އަތުލައިގަންނަ މިންވަރު ވަރަށް ބޮޑަށް އިތުރުވެފައިވާ ކަމަށް ހޯމް މިނިސްޓަރު އަލީ އިހްސާން ވިދާޅުވެއްޖެއެވެ.
މިރޭ ބޭއްވި “އަހާ” ފޯރަމްގައި މީހަކު ވަނީ މި ސަރުކާރުން މަސްތުވާތަކެތީގެ މަައްސަލަ ހުއްޓުވާނެކަމަށް ބުނެފައިވާތީ އެއީ ހަމަ ހަގީގަތުގައިވެސް ކުރެވިދާނެ ކަމެއްތޯ ސުވާލުކޮށްފައެވެ.
އެ ސުވާލަށް ޖަވާބު ދެއްވައި މިނިސްޓަރު އިހުސާން ވިދާޅުވީ މިހާރު އަތުލައިގަންނަ މަސްތުވާތަކެތި އަދަދު ވަރަށް ބޮޑަށް އިތުރުވެފައިވާ ކަމަށެވެ.
މިނިސްޓަރު ވިދާޅުވީ އެކި ނަންނަމުގައި ފިލާތިބެ ޑުރަގު ވިޔަފާރިކުރާ މީހުން ހުއްޓުވާނެކަމަށް ކަމަށެވެ. އެގޮތުން ސީ ކާގޯ ކޮންޓެއިނަރު ސްކޭން ކުރެވޭނެ ސްކޭނަރެއް ހޯދުމުގެ މަސައްކަތް މިހާރު ކުރަމުންދާ ކަމަށް ވިދާޅުވިއެވެ.
އެ ސްކޭނަރު ގެނެވުމުން ކަނޑުމަގުން އެތެރެކުރާ މަސްތުވާތަކެތީގެ މައްސަލަ ހައްލުކުރެވިގެންދާނެ ކަމަށް އޭނާ ވިދާޅުވިއެވެ.
އަދި މިހާރު މަސްތުވާތަކެތި ހުއްޓުވުމަށް ފޯކަސްކޮށްގެން މަސައްކަތް ކުރަނީ މަސްތުވާތަކެތީގެ ވިޔަފާރި ކުރާ މީހުން ހުއްޓުވަން ކަމަށް ވެސް މިނިސްޓަރު ވިދާޅުވިއެވެ.
މިނިސްޓަރު ވިދާޅުވީ މަސްތުވާތަކެތި އެތެރެކުރާ މީހުން އެ ތަކެތި ވިއްކަނީ އެތަކެތި ވިއްކަނީ ދެތިން ލޭޔާއެއް އަޅައިގެން އެހެން ބަޔަކު ލައްވާ ކަމަށެވެ.
އެހެންވެ މިހާރު މަސައްކަތް ކުރަމުންދަނީ މަސްތުވާތަކެތި އެތެރެކުރުމުގެ މުގުލުގައި ތިބޭ މީހުންނާއި އަތޮޅު ތެރޭގައި ވިއުގަތައް ހިންގާ މީހުން ހޯދަން މަސައްކަތް ކުރަމުންދާ ކަމަށް އޭނާ ވިދާޅުވިއެވެ.
“މީގެ ނަތީޖާއެއްގެ ގޮތުން މަސްތުވާތަކެތީގެ ވިޔަފާރި ކުރީގެ ފިލައިގެން އެކި ނަންނަމުގައި ފިލާތިބެގެން މަސްތުވާތަކެތީގެ ވިޔަފާރިކުރަމުން އަންނަ މީހުންނަށް މިކަން ދެނެއް ނުކުރެވޭނެ ރާއްޖެއަކު. އެހެންވީމާ އެމީހުން ފަހާ އަޅުގަނޑުމެން ދުވާނީ. އެ މީހުން ހުއްޓުވާނީވެސް” މިނިސްޓަރު ވިދާޅުވިއެވެ.
