ސްރީލަންކާގެ މަސްބޯޓެއް އޮޔާދާ ކަމުގެ މަޢުލޫމާތު ލިބުމާ ގުޅިގެން، މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން އަވަސް ފިޔަވަޅުތަކެއް އަޅަން ފަށައިފިއެވެ.
އެމްއެންޑީއެފްގެ ފަރާތުަރާތުން މަޢުލޫމާތު ދެއްވި ގޮތުގައި، އައްޑު އަތޮޅުގެ ހުޅަނގު ސަރަޙައްދުގައި ސްރީލަންކާގެ މަސްބޯޓެއްގެ އިންޖީނު ހުއްޓި، އޮޔާދާ ކަމުގެ ރިޕޯޓެއް ލިބިފައިވެއެވެ. މި ހާދިސާއާ ގުޅިގެން، އެމްއެންޑީއެފްގެ ކޯސްޓްގާޑުން އެ ބޯޓުގެ ޙާލަތު ވަރަށް ގާތުން ބަލަހައްޓަމުންދާ ކަމަށް އެ ފަރާތުން ހާާމަކުރެއްވިއެވެ.
އައްޑު އަތޮޅު ހުޅަނގުން ސްރީލަންކާގެ މަސްބޯޓެއް އިންޖީނު ހުއްޓި އޮޔާދާކަމުގެ މަޢުލޫމާތު ލިބިފައިވާތީ، އެމްއެންޑީއެފް ކޯސްޓްގާޑުން ދަނީ އެ ބޯޓްގެ ކަންކަން ވަރަށް ގާތުން ބަލައި މޮނީޓަރ ކުރަމުންhttps://t.co/wYFsAyveF0 pic.twitter.com/gcCWlqt8MR
— Maldives National Defence Force (@MNDF_Official) May 8, 2025
މި ވަގުތު އެ ބޯޓު ވަނީ ސ. ހިތަދޫގެ ހުޅަނގުން 70 ނޯޓިކަލް މޭލު ދުރުގައެވެ. އަދި ބޯޓުު އޮޔާ އަންނަ މިސްރާބަކީ އައްޑޫ ސިޓީ ހިތަދޫ ކޯއްޓޭއާ ދިމާލަށް ކަމަށް އެމްއެންޑީއެފްއިން ފާހަގަކުރެއްވިއެވެ. އިތުރު މަޢުލޫމާތުގެ ގޮތުން، މި ބޯޓަކީ ފެހި އަދި ނޫ ކުލައިގެ ބޯޓެއް ކަމަށާއި، ބޯޓުގެ ފަޅުވެރިންގެ ޙާލަތު ރަނގަޅު ކަމަށް ބޯޓުގެ ފަރާތުން އަންގާފައިވާ ކަމަށްވެސް އެމްއެންޑީއެފްއިން ހާމަކުރެއްވިއެވެ.
ކިޔުންތެރިންގެ ހިޔާލު