ފަޅުން ބައެއް ހިއްކައި، ޝީޓުޕައިލް ކުރުމަށްފަހު، ހަތަރު ލޭނު ހިމެނޭހެން ބޭރު މަގު ޒަމާނީ ފެންވަރަށް ތަރައްޤީކުރުމުގެ މަސައްކަތް ކުރިއަށްދާނެއެވެ.
މި މަޝްރޫޢުގެ ދަށުން:
– ހެންވޭރު ޓަރމިނަލުން ފެށިގެން ލޯކަލް މާރުކޭޓާ ހަމައަށް މަގު ފުޅާކުރެވޭނެއެވެ.
– މަސައްކަތް ނިމުމުން ހަތަރު ލޭނުގެ މަގެއް އޮންނާނެއެވެ.
– މި ސަރަހައްދުގެ މަސައްކަތް މި އަހަރު ތެރޭގައި ނިންމުމަށް ވަނީ ރޭވިފައެވެ.
މާލޭގެ ޢިއްޒުއްދީން ފާލަން ހިމެނޭ ސަރަހައްދުގެ މަގު ފުޅާކޮށް، ކޮޅަކަށް ދެ ލޭނު ހިމެނޭހެން އެންމެ ޒަމާނީ ފެންވަރަށް މި އަހަރު ތަރައްޤީކޮށް ނިންމާނެކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެފައިވެއެވެ. މި ވާހަކަ އެމަނިކުފާނު ވިދާޅުވެފައިވަނީ ޢިއްޒުއްދީން ފާލަން އަލުން ފަރުމާކޮށް ތަރައްޤީކުރުމަށްފަހު ހުޅުވުމަށް ބޭއްވި ރަސްމިއްޔާތުގައި ދެއްކެވި ވާހަކަފުޅުގައެވެ.
ކިޔުންތެރިންގެ ހިޔާލު