ރ. ފައިނުގައި އެއާޕޯޓް އަޅަން އެމްޓީސީސީ އާއި މޯލްޑިވްސް އެއާޕޯޓްސް ކޮމްޕެނީ ލިމިޓެޑް ދެމެދު އެއްބަސްވުމެއްގައި މިއަދު ސޮއިކޮށްފިއެވެ.
ފައިނުގައި އެއަރޕޯޓު އެޅުމުގެ އެއްބަސްވުމުގައި ސޮއިކުރުމުގެ ރަސްމިއްޔާތު ބޭއްވިއެވެ. މި ރަސްމިއްޔާތުގައި އެމްޓީސީސީގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ އަޙްމަދު ސައުދީއެވެ. އަދި އެމްއޭސީއެލްގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ އިބްރާހިމް ޝަރީފެވެ.
ފުޅާ ބިމެއް އޮންނަ ފައިނުގައި އެއަރޕޯޓު އެޅުމުގެ މަޝްރޫޢު އެމްޓީސީސީއާ ހަވާލުކޮށް، މި މަހު ތެރޭގައި މަސައްކަތް ފެށުމަށް ނިންމާފައިވާކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިޢުލާނުކުރެއްވީ މިދިޔަ މަހުގެ 23 ވަނަ ދުވަހު އެ ރަށަށް ވަޑައިގެން ރައްޔިތުންނާ ބައްދަލުކުރައްވައި ދެއްކެވި ވާހަކަފުޅުގައެވެ.
ފައިނުގައި އެއަރޕޯޓު އެޅުމަށް ރައީސް ޑރ. މުޢިއްޒު އެންމެ ފުރަތަމަ ވަޢުދުވެވަޑައިގަތީ މިދިޔަ ރިޔާސީ އިންތިޚާބުގެ ތެރޭގައެވެ. އޭރުގެ އިދިކޮޅު ރިޔާސީ ކެންޑިޑޭޓުގެ ހައިސިއްޔަތުން 2023 ވަނަ އަހަރުގެ އޮގަސްޓު 30 ވަނަ ދުވަހު ފައިނަށް ވަޑައިގެން، އެ ރަށުގައި އެއަރޕޯޓެއް އެޅުމާއެކު، އިތުރު ގިނަ ތަރައްޤީގެ މަޝްރޫޢުތަކެއް ހިންގުމަށް ވަޢުދުވެވަޑައިގެންނެވިއެވެ.
ރ. އަތޮޅުގެ އުތުރުގައި މިހާރު ހުރީ ރ. އިފުރު އެއަރޕޯޓު އެކަންޏެވެ. އަތޮޅުގެ ދެކުނުގައި ރ. އަލިފުށީ އެއަރޕޯޓު އެޅުމުގެ މަސައްކަތް ކުރިއަށްދާއިރު، އެއީ ފައިނުއާ އަޅާބަލާއިރު ފުދޭވަރަކަށް ދުރު ސަރަޙައްދެކެވެ. އެހެންކަމުން، ފައިނު ހިމެނޭ ސަރަޙައްދަށް އެއަރޕޯޓެއްގެ ބޭނުން ވަރަށް ބޮޑަށް ޖެހިފައިވެއެވެ.
ރައީސް ޑރ. މުޢިއްޒު ފައިނުގައި ވިދާޅުވީ އެމަނިކުފާނު ރިޔާސީ އިންތިީ އިންތިޚާބުގެ ކެމްޕޭނުގައި ވަޢުދުވެވަޑައިގެންނެވި ފަދައިން ފައިނުގައި އެއަރޕޯޓެއް އަޅުއްވައިދެއްވާނެ ކަމަށެވެ. އެގޮތުން ކޮންޓްރެކްޓް ކުރެވި، ވަރަށް އަވަހަށް ޢަމަލީ މަސައްކަތް ފެށިގެންދާނެ ކަމަށް ވެސް އެމަނިކުފާނު ވިދާޅުވިއެވެ.
Today, we signed the contract with MTCC to develop the airport in R. Fainu, in alignment with the vision of H.E. President Dr. Mohamed Muizzu, to enhance transportation and drive economic growth in the region and the country. pic.twitter.com/TziKIWEfyn
— Maldives Airports Company Ltd (@MACLmedia) February 23, 2025
