ރ. ހުޅުދުއްފާރުގައި ސްކޫލް ދަރިވަރުންގެ އެކޮމޮޑޭޝަން ފެސިލިޓީއެއް އިމާރާތްކުރުމުގެ މަސައްކަތް އެމްޓީސީސީއާ ހަވާލުކޮށްފިއެވެ.
ހަޔާ އެޑިޔުކޭޝަން މިނިސްޓްރީގައި މިއަދު ބޭއްވި ރަސްމިއްޔާތެއްގައި މި މަސައްކަތުގެ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރު އަހްމަދު ޝަފީއުއެވެ. އަދި އެމްޓީސީސީގެ ފަރާތުން ސޮއިކުރެއްވ،ީ ޑެޕިއުޓީ މެނޭޖިން ޑިރެކްޓަރ، މުޙައްމަދު ޖަމްޝީދެވެ.
މި މަޝްރޫޢުގެ ދަށުނ،ް 3 ފަންގިފިލާގެ އިމާރާތެއް ބިނާކުރުމަށް ވަނީ ހަމަޖެހިފައެވެ. މި އިމާރާތުގެ ކޮންމެ ފަންގިފިލާއެއްގައި 8,698 އަކަފޫޓު ހުންނައިރު، މުޅި އިމާރާތުގެ ޖުމްލަ 26,095.82 އަކަފޫޓު ހުންނާނެއެވެ. މީގެ އިތުރުނ،ް މި އިމާރާތަކީ އެއްފަހަރާ 100 ދަރިވަރުންނަށް ފަސޭހަކަމާއެކު ބޭނުންކުރެވޭނެ ހެން ފަރުމާކުރެވިފައިވާ ތަނެކެވެ.
މިއީ 40.11 މިލިއަންރުފިޔާއަށް 540 ދުވަސްތަރޭ ނިންމުމަށް އެމްޓީސީސީއާ ހަވާލުކޮށްފައިވާ މަޝްރޫޢެކެެވެ.
1,611 މީހުންގެ އާބަދީއެއް ދިރިއުޅޭ ހުޅުދުއްފާރުގައި އިމާރާތް މިކުރެވޭ ދަރިވަރުންގެ އެކޮމޮޑޭޝަން ފެސިލިޓީ ނިމުމާއިއެކު، އެރަށު ސްކޫލުގައި ކިޔާވާ ދަރިވަރުންނަށް ގިނަގުނަ ފަސޭހަތަކެއް ލިބިގެންދާނެއެވެ.
ވޭތުވެދިޔަ 44 އަހަރުތެރޭ އެމްޓީސީސީއިން ވާނީ ރާއްޖޭގެ އެކި ކަންކޮޅުތަކުގައި ޢުމްރާނީ ތަރައްޤީގެ ގިނަ މަޝްރޫޢުތަކެއްހިންގައި ކާމިޔާބުކަމާއެކު ނިންމައިފައެވެ.
1980 ވަނަ އަހަރު އެމްޓީސީސީ އުފެދުނީ ރާއްޖޭގެ ތަރައްޤީގެ ދަތުރުގެ މުހިންމު މަރުޙަލާއެއްގައެވެ. ކުންފުނި އުފެދުނީއްސުރެ ރާއްޖޭގެ ޢުމްރާނީ ތަރައްޤީ އާއި އިޖުތިމާޢީ ވަޞީލަތްތައް ބިނާކުރުމުގައި އެމްޓީސީސީއިން ވާނީ މުހިންމު ދައުރެއް އަދާކޮށްފައެވެ.
ކިޔުންތެރިންގެ ހިޔާލު