މިއަދު ވިލިމާލޭގައި މޫދަށް އެރުނު މީހަކު އޮޔާދަނިކޮށް ސަލާމަތްކޮށްފިއެވެ. ފުލުހުން މީޑިއާ ގުރޫޕުގައި ވިދާޅުވީ ވިލިމާލޭގައި މޫދަށް އެރި އުޅުނު މީހަކު އޮޔާދާކަމުގެ ރިޕޯޓެއް މިއަދު 3:55 ފުލުހުންނަށް ލިބިފައިވާކަމަށެވެ. އަދި އެ މީހާ ވަނީ އެމްޓީސީސީގެ ފެރީއަކަށް ނަގާފައިކަމަށްވެސް ފުލުހުން ވިދާޅުވެއެވެ.
އެގުރޫޕުގައި ފުލުހުން ވިދާޅުވީ އެ މީހާ މޫދުން ނެގުމަށްފަހު އިތުރު ފަރުވާއަށް މާލެއަށް ގެނެސްފައިވާކަމަށާއި، އަދި އޭނާގެ ހާލު މިހާރު ގޯސް ނޫންކަމަށް އެހޮސްޕިޓަލުން މައުލޫމާތު ދެއްވާފައިވާކަމަށެވެ. ފުލުހުން ވިދާޅުވީ މިކަމާއި ގުޅިގެން އިތުރަށް ބަލަންޖެހޭ ކަންކަން ފުލުހުން ބަލަމުންދާކަމަށެވެ.
