ކުއްލި ޚަބަރު

ކުއްލި: ހުރިހާ މުއާމަލާތެއް މެދުކަނޑާލައިފި، އެމެރިކާއިން އީރާނަށް ހަމަލާދޭން އުޅޭކަމުގެ ރިޕޯޓްތައް ފެތުރެނީ

ވާދޫ ފަރަށް ކޮޅުވެއްޓިއެއް އަރައި ގެއްލުންތަކެއް ވެއްޖެ

ލޮލުގެ ފެނުމުން މަހްރޫމްވެފައިވާ ފަރާތްތަކަށް އަމިއްލައަށް ވޯޓުލާން ރަޖިސްޓްރީވާން ހުޅުވާލައިފި

އީރާނަށް އަސްކަރީ ހަމަލާދިނުމާ ގުޅޭ މަޝްވަރާތައް އަންގާރަ ދުވަހު ބާއްވަނީ

އެމެރިކާގެ ރައީސް ޑޮނަލްޑް ޓްރަމްޕް:

އީރާނަށް އަސްކަރީ ހަމަލާ ދިނުމާ ގުޅޭގޮތުން އެމެރިކާގެ ވެރިން މަޝްވަރާއަށް ތައްޔާރުވާން ފަށައިފިއެވެ.

ޚަބަރު ލިބޭގޮތުގައި އީރާނުގެ ހާލަތާ ގުޅޭގޮތުން ރައީސް ޑޮނަލްޑް ޓްރަމްޕަށް އެންމެފަހުގެ މައުލޫމާތު ދިނުމުގެ ބައްދަލުވުމެއް އަންގާރަ ދުވަހަށް ވަނީ ތާވަލް ކޮށްފައެވެ.

މި ބައްދަލުވުމުގައި، އެމެރިކާގެ ޚާރިޖީ ވަޒީރު މާރކޯ ރޫބިއޯއާއި، ހަނގުރާމައިގެ ވަޒީރު ޕީޓް ހެގްސެތުވެސް ބައިވެރިވާނެ ކަމަށް ރިޕޯޓްތައް ބުނެއެވެ.

މީޑިއާ ރިޕޯތްތައް ބުނާގޮތުގައި، އިރާނާ ދެކޮޅަށް އަޅަން މަޝްވަރާކުރާނެ ފިޔަވަޅުތަކުގެ ތެރޭގައި، އީރާނާ ދެކޮޅަށް އަޅާފައިވާ އިގްތިސާދީ ދަތިކުރުމުގެ ފިޔަވަޅުތައް އިތުރަށް ފުޅާކުރުމާއި، ސައިބަ ދަތިކުރުމާއި، މުޒާހަރާކުރާ މީހުންނަށް އޮންލައިންކޮށް ހިތްވަރު ދިނުމުގެ އިތުރުން، އީރާނަށް އަސްކަރީ ހަމަލާ ދިނުމުގެ މައްސަލަ ވެސް ހިމެނެއެވެ.

އީރާނުގައި މުޒާހަރާ ކުރަމުންދާ މީހުންގެ ގަޔަށް އީރާނުގެ ސަލާމަތީ ބާރުތަކުން ހަމަލާދީ އާންމުން މަރާނަމަ އީރާނަށް އަސްކަރީ ވަރުގަދަ އެތިފަހަރެއް ދޭނޭކަމަށް ބުނެ، އެމެރިކާގެ ރައީސް ޓްރަމްޕް މީގެކުރިންވަނީ އެތައް އިންޒާރުތަކެއް ދީފައެވެ.

އިރާނުން ބުނަމުން ގެންދަނީ، އީރާނުގައި މީހުން މަރައި، ތަންތަނުގައި ހުޅުޖަހަމުން ގެންދަނީ އިސްރާއީލާއި އެމެރިކާއިން ހިތްވަރުދީ، ހަތިޔާރު ދީގެން ހަރަކާތްތެރިވާ ޓެރަރިސްޓުންތަކެއް ކަމަށެވެ.

ސަރުކާރާ ދެކޮޅަށް އާންމުން ކުރަމުންދާ މުޒާހަރާތަކަކީ ސުލްހަވެރި މުޒާހަރާތަކެއް ކަމަށާއި، ހަމަނުޖެހުން ހިންގަނީ ބޭރުން އެތެރެވެގެން އުޅޭ ބައެއް ކަމަށް ބުނެއެވެ.

އަނެއްކޮޅުން، އީރާނަށް އެމެރިކާއިން އަސްކަރީ ހަމަލާ ދިނުމަށް އިސްތިއުމާރީ އިސްރާއީލުގެ މުޖުރިމު ނަތަންޔާހޫ ގެންދަނީ ޓްރަމްޕަށް ޕްރެޝަރ ކުރަމުންނެވެ.

އީރާނުގެ ބޮލުގައި އެކިއެކި ތުހުމަތުތައް އަޅުވައި، އެމެރިކާ ލައްވައި އީރާނަށް ހަމަލާ ދިނުމަށް ނަތަންޔާހޫ ހިތްވަރު ދެމުން ގެންދާއިރު، އީރާނުގެ ތެރޭގައި ހަމަނުޖެހުން ހިންގާ މީހުންނަށްވެސް ނަތަންޔާޙޫ ގެންދަނީ ތަކުރާރުކޮށް ހިތްވަރުދީ ބަޔާންތައް ނެރެމުންނެވެ.

އީރާނު ޕާލަމެންޓްގެ ރައީސް ވަނީ، އެމެރިކާއިން އީރާނަށް އަސްކަރީ ހަމަލާ ދީފިނަމަ އިސްރާއީލާއި، އަދި މުޅި ސަރަހައްދުގައި ހުރި އިސްރާއީލާއި އެމެރިކާގެ އެއްވެސް މަސްލަހަތެއް ސަލާމަތް ނުވާނެ ކަމަށެވެ.

އެމެރިކާގެ ހަމަލާތަކަށް ރައްދު ދިނުމަށް އީރާނުން ވަރަށް ފުރިހަމައަށް ތައްޔާރުވެފައިވާ ކަމަށާއި، އީރާނުގެ ރައްދު  ހަމަލާތައް އަމާޒުކުރާނެ ތަންތަންވެސް މިހާރު ކަނޑައެޅި ނިމިފައިވާ ކަމަށް އީރާނު ޕާލަމެންޓުގެ ރައީސް ވިދާޅުވިއެވެ.

ކިޔުންތެރިންގެ ހިޔާލު

ކޮމެންޓްތައް

މިހާތަނަށް އެއްވެސް ކޮމެންޓެއް ކޮށްފައެއް ނެތް.

ގުޅުންހުރި

އީރާނަށް ހަމަލާ ދިނުމަށް އެމެރިކާގެ ރައީސް ދެމުންގެންދިޔަ އިންޒާރުތަކުގެ ރާގު ބަދަލުވެއްޖެ

ކުއްލި: ހުރިހާ މުއާމަލާތެއް މެދުކަނޑާލައިފި، އެމެރިކާއިން އީރާނަށް ހަމަލާދޭން އުޅޭކަމުގެ ރިޕޯޓްތައް ފެތުރެނީ

އެމެރިކާގެ ޖާސޫސީ ބޯޓުތައް އިރާންމަތިން އުދުހެން ފަށައިފި، އީރާނު އަސްކަރިއްޔާ ތައްޔާރީ ހާލަތަށް

ސަރުކާރަށް ތާއީދުކޮށް އީރާނުގެ އެތައް މިލިއަން މީހުން މަގުތަކަށް ނުކުތުމުން ހުޅަނގުގެ މީޑިއާ ބްލެކްއައުޓް، ވެރިން ހައްޕު!

TTH_advertisement