ޤައުމީ ޖޫނިއާ ސާފިން ޗެމްޕިއަންޝިޕް ކާމިޔާބުކަމާއިއެކު ނިންމާލައިފިއެވެ.
ތިން ދުވަހަށް މާލޭގެ ލޮނުޒިޔާރަތްކޮޅުގައި ކުރިޔަށް ގެންދިޔަ މި މުބާރާތުގައި ހަތަރު ކެޓަގަރީއަކުން 33 ކުދިން ބައިވެރިވިއެވެ. މި ކެޓަގަރީތަކަކީ 18 އަހަރުން ދަށުން ފިރިހެން އަދި އަންހެން ކެޓަގަރީ، 16 އަހަރުން ދަށުން ފިިރިހެން އަދި 14 އަހަރުން ދަށުގެ ފިރިހެން ކެޓަގަރީއެވެ.
މިއީ ޖޫނިއާ ސާފިން މުބާރާތެއްގައި އަންހެން ކުދިން ބައިވެރިވި ފުރަތަމަ ފަހަރެވެ.
ރާއްޖޭގެ ސާފިން އެސޯސިއޭޝަން، އެމްއެސްއޭގެ ޑެވެލޮޕްމަންޓް ޕާޓްނަރަކީ ބީއެމްއެލްއެވެ. އެގޮތުން އެމްއެސްއޭއާއެކު ބީއެމްއެލް އިން ހަދައިފައިވާ އެއްބަސްވުން މިދިޔަ އަހަރު އައުކޮށްފައިވާއިރު، އެ އެއްބަސްވުމުގެ ދަށުން ސާފިންގައި ޒުވާނުންގެ ހުނަރު އުފައްދައި ޕްރޮމޯޓުކުރުމަށް އެމްއެސްއޭ އިން ކޮންމެ އަހަރަކު ވެސް ބާއްވާ ޤައުމީ ޖޫނިއާ ސާފިން ޗެމްޕިއަންޝިޕަށް ވެސް ބީއެމްއެލް އިން ދަނީ އެހީތެރިކަން ފޯރުކޮށްދެމުންނެވެ.
ކިޔުންތެރިންގެ ހިޔާލު