ފަތުރުވެރިން ރާއްޖޭގައި ޗުއްޓީ ހޭދަކުރާ އެވަރެޖު ދުވަހުގެ އަދަދު 12 ޕަސެންޓު ދަށަށް ހިނގައްޖެއެވެ.
މަރުކަޒީ ބޭންކު، އެމްއެމްއޭގެ ހިސާބުތައް ދައްކާގޮތުން މިއަހަރުގެ ޖެނުއަރީ މަހުން ފެށިގެން މިދިޔަ މެއި މަހުގެ ނިޔަލަށް ފަތުރުވެރިން އެވަރެޖުކޮށް ރާއްޖޭގައި ހޭދަކުރީ 6.8 ދުވަހެވެ.
މިދިޔަ އަހަރުގެ އެ މުއްދަތުގައި ރާއްޖޭގައި ފަތުރުވެރިން އެވަރެޖު ގޮތެއްގައި 7.7 ދުވަސް ހޭދަކުރެއެވެ. އޭގެ އިތުރުން ބެޑްނައިޓްސް ވެސް ވަނީ މިދިޔަ އަހަރަށްވުރެ ދަށްވެފައެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާގޮތުގައި މިއަހަރުގެ މިހާތަނަށް ރާއްޖެއަށް ވަނީ 1.1 މިލިއަން ފަތުރުވެރިން އައިސްފައެވެ. އެންމެ ގިނައިން އައިސްފައިވަނީ ޗައިނާއިންނެވެ. އެއީ 141،162 ފަތުރުވެރިންނެވެ.
ކިޔުންތެރިންގެ ހިޔާލު