ބ. މާޅޮހުގައި ޕޮލިސް ޕޯސްޓަކާއި 500 މީހުންގެ ޖާގައިގެ މިސްކިތެއް އިމާރާތްކުރުމުގެ މަސައްކަތް ފެށުމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ތައްޔާރުވެއްޖެއެވެ.
770 މީހުންގެ އާބާދީއެއް ދިރިއުޅޭ މާޅޮހުގައި މި ފެށޭ މަޝްރޫއުތަކުގެ މަސައްކަތް ފުރިހަމަވުމުން، އެ ރަށަށް އުމްރާނީ ގޮތުންނާއި އިޖުތިމާއީ ގޮތުން ގިނަގުނަ މަންފާތަކެއް ލިބިގެންދާނެ ކަމަށް އެމްޓީސީސީން ވަނީ ފާހަގަކޮށްފައެވެ.
1980 ވަނަ އަހަރު އުފެދުނު އެމްޓީސީސީއަކީ ރާއްޖޭގެ ތަރައްޤީގެ ދަތުރުގެ މުހިންމު މަރުހަލާއެއްގައި އުފެދުނު ކުންފުންޏެކެވެ. އެމްޓީސީސީ އުފެދުނީއްސުރެ ރާއްޖޭގެ އުމްރާނީ ތަރައްޤީއާއި އިޖްތިމާއީ ވަސީލަތްތައް ބިނާކުރުމުގައި ވަނީ މުހިންމު ދައުރެއް އަދާކޮށްފައެވެ.
ވޭތުވެދިޔަ 44 އަހަރުގެ ތެރޭގައި އެމްޓީސީސީން ވަނީ ރާއްޖޭގެ އެކި ކަންކޮޅުތަކުގައި ގިނަ މަޝްރޫއުތަކެއް ކާމިޔާބުކަމާއެކު ހިންގާފައެވެ. މި މަޝްރޫއުތަކުގެ ތެރޭގައި ބަނދަރު ހެދުމާއި، މަގު ހެދުމާއި، އާންމު ޚިދުމަތްތަކުގެ ވަސީލަތްތައް ޤާއިމުކުރުން ހިމެނެއެވެ.
