ޚާރިޖީ ވަޒީރު ޑރ. އަބްދުﷲ ހަލީލް ތުރުކީ އަށް ކުރެއްވި ރަަސްމީ ދަތުރުފުޅު ނިންމަވާލައްވައިފިއެވެ.
ވަޒީރު ތުރުކީ އަށް ކުރެއްވި ރަސްމީ މިދަތުރުފުޅަކީ ތުރުކީގެ އަންތާލިޔާގައި އޮތް ހަތަރުވަނަ އަންތާލިޔާ ޑިޕްލޮމެސީ ފޯރަމް ގައި ބައިވެރިވެވަޑައިގަތުމަށް ކުރެއްވި ދަފުރުފުޅެކެވެ. އަންތާލިޔާގައި އޮތް މި ފޯރަމްގެ ތެރެއިން އެންގޯލާ، އަޒަރްބައިޖާން، ގެމްބިއާ، އަދި ހަންގޭރީގެ ޚާރިޖީ ވަޒީރުންނާ ޑރ.ޚަލީލު ވަނީ ބައްދަލުކުރައްވާފައެވެ.
މީގެ އިތުރުން ތުރުކީގެ މިނިސްޓަރ އޮފް ޓްރޭޑް އޮމެރް ބޮލާޓް އަދި ތުރުކީގެ މިނިސްޓަރ އޮފް ކަލްޗަރ އެންޑް ޓޫރިޒަމް މެހްމެތް ނޫރީ އެރްސޯއި އާވެސް ޑރ. ޚަލީލް އަންތާލިޔާގައި ބައްދަލުކުރައްވާފައިވެއެވެ.
ވަޒީރު ޚަލީލްގެ އަންކާރާ ދަތުރުފުޅުގައި އެންމެ ފާހަގަކޮށްލެވޭ ކަމަކީ ތުރުކީގައި ފުރަތަމަ ފަހަރަށް ގާއިމުކުރެވުނު ދިވެހި އެމްބަސީ ހުޅުވާދެއްވާފައިވުމެވެ.
މިގޮތުން، ވަޒީރު ވަނީ އަންްތާލިޔާ ޑިޕްލޮމެސީ ފޯރަމްގައި ބައިވެރިވެވަޑައިގަތުމުގެ އިތުރުން ތުރުކީގެ ވެރިރަށް އަންކާރާ އަދި އިސްތާންބުލްގައިވެސް ރަސްމީ ހަރަަކާތްތަކުގައި ބައިވެރިވެވަޑައިގަންނަވާފައެވެ.
