އިންބައުންޑް ޓޫރިޒަމްގެ ޚިދުމަތްތައް ދޭ ބޭރުގެ ޓުއާ އޮޕަރޭޓަރުންނާއި އޮންލައިން ބުކިން ޕްލެޓްފޯމްތަކުން ޖީއެސްޓީއަށް ދަފުތަރުވުމުގެ ފުރުސަތު މޯލްޑިވްސް އިންލަންޑް ރެވެނިއު އޮތޯރިޓީ (މީރާ) އިން މިއަދު ހުޅުވާލައިފިއެވެ.
މި ބަދަލަކީ މުދަލާއި ޚިދުމަތުން ޓެކްސް ނެގުމުގެ ގާނޫނަށް ގެނެވުނު އިސްލާހާ ގުޅިގެން، ރާއްޖެއިން ބޭރުގައި ރަޖިސްޓްރީކޮށްގެން ހިންގާ ނަމަވެސް ރާއްޖޭގެ ފަތުރުވެރިކަމާ ގުޅޭ ޚިދުމަތްތައް ފޯރުކޮށްދޭ ފަރާތްތަކުން ޓެކްސް ދައްކަންޖެހޭ ގޮތަށް ހަމަޖެއްސުމުން އައި ބަދަލެކެވެ. މީރާއިން ބުނި ގޮތުގައި ރާއްޖޭގައި ދާއިމީ ތަނެއް ނެތް ނަމަވެސް، ފަތުރުވެރިންނަށް އެކަނިވެރިކަމާއި ތަންތަން ބުކްކޮށްދިނުމުގެ ޚިދުމަތް ދޭ ބޭރުގެ އެޖެންޓުން މިހާރު މީރާގެ ޕޯޓަލް މެދުވެރިކޮށް ދަފުތަރުވާންޖެހޭނެއެވެ.
ދަފުތަރުވުމުގެ މަރުހަލާ ފުރިހަމަކުރުމަށްޓަކައި އޮންލައިން ފޯމާއެކު ވިޔަފާރީގެ ހުއްދައާއި އެހެނިހެން ލިޔެކިޔުންތައް އިނގިރޭސިބަހަށް ތަރުޖަމާކުރުމަށްފަހު ހުށަހަޅަންޖެހެއެވެ. ފަރުދެއްގެ ނަމުގައި ދަފުތަރުވާ ނަމަ ޕާސްޕޯޓުގެ ކޮޕީއެއް ހުށަހަޅަންޖެހޭއިރު، ކުންފުންޏެއް ނުވަތަ ވިޔަފާރިއެއް ނަމަ އެ ވިޔަފާރިއެއް ރަޖިސްޓްރީކުރިކަމުގެ ރަސްމީ ލިޔުން ހުށަހަޅަންޖެހޭނެ ކަމަށް މީރާއިން މައުލޫމާތުދެއެވެ.
މި ބަދަލާ ގުޅިގެން ރާއްޖޭގެ ޓްރެވަލް އޭޖެންޓުންގެ އެސޯސިއޭޝަން (މަޓާޓޯ) އާއި ވިލާތުގެ ބައެއް މަޝްހޫރު ޓުއާ އޮޕަރޭޓަރުންގެ ޖަމިއްޔާތަކުން ވަނީ ކަންބޮޑުވުން ފާޅުކޮށްފައެވެ. އެ ފަރާތްތަކުން ވަނީ މި ގަވާއިދަށް އަމަލުކުރުން ފަސްކޮށްދިނުމަށް އެދި ދިވެހި ސަރުކާރަށާއި މީރާއަށް ސިޓީ ހުށަހަޅާފައެވެ.
ކިޔުންތެރިންގެ ހިޔާލު