ލެވަންޓޭއާ ދެކޮޅަށް މިރޭ ކުޅޭ މެޗުގައި ފަރުވާކުޑަ ނުކުރަން ބާސެލޯނާގެ ކުޅުންތެރިންނަށް ކޯޗު ހަންސީ ފްލިކް އިލްތިމާސް ކޮށްފިއެވެ.
މެޗުގެ ކުރިން ނޫސްވެރިންނާ ވާހަކަ ދައްކަމުން އޭނާ ބުނީ ބާސެލޯނާ އަކީ މި ސީޒަނުގައި މިހާތަނަށް ސައްތައިން ސައްތަ ރެކޯޑް ދަމަހައްޓަމުން އަންނަ ހަމައެކަނި ކުލަބު ކަމަށާއި ނަމަވެސް ފުޓްބޯޅައިގައި ކަންކަން ވަރަށް އަވަހަށް ބަދަލު ވެދާނެ ކަމަށެވެ.
އަހަރެންގެ ކުޅުންތެރިންނަށް މިދަނީ ވިސްނައިދެމުން ފަރުވާ ކުޑަކޮށްނުލުމަށް. މެޗަށް ދޭ ސަމާލުކަން ކުޑަކޮށްފިނަމަ އަހަރުމެންނަށް މިހާރު ލިބިފައިވާ ލީޑް ގެއްލި ވަރަށް އަވަހަށް ހާލަތު ބަދަލު ވެދާނެ
Advertisement
ބާސެލޯނާގެ ކޯޗު ބުންޏެވެ.
މިދިޔަ ދެ ސީޒަނުގައިވެސް ބާސެލޯނާއަށް ކާމޔާބު ހޯދައިދިން ކޯޗު ބުނީ ހަތަރު މެޗުން ވެސް މޮޅުވެ 12 ޕޮއިންޓާއެކު ޓޭބަލުގެ އެއްވަނާގައި ތިބުމަކީ ފަހުރެއްނޫން ކަމަށާއި ކިރިޔާ ވެސް މެޗާމެދު ފަރުވާ ކުޑަކޮށްލައިފިނަމަ މުޅި ޓީމު ދާނީ ނުބައި މިސްރާބަކަށް ކަމަށެވެ.
އަހަރެން ވަރަށް ހިތްހަމަ ޖެހޭ މިވަގުތު ގިނަ ކުޅުންތެރިން ތިބި ފޯމާމެދު. ހާއްސަކޮށް ލަމީން ޔަމާލާއި ރަފީނިއާ. އަހަރުމެންނަށް އެނގޭ އަހަރުމެން ޓީމުގައި ވަރަށް ގިނަ ކޮލިޓީ އެބަހުރިކަން. އެހެންވީމާ އަހަރުމެން ކޮންމެ މެޗެއްގައި ކުރަމުން އަންނަ ކަންކަން ތަކުރާރު ކުރަންޖެހޭ.
ބާސެލޯނާގެ ކޯޗު ބުންޏެވެ.
މި ސީޒަނުގައި ހަތަރު މެޗުން ރަފީނިއާ އާއި ލަމީން ޔަމާލް އެކަނި ވެސް 13 ލަނޑު ވަނީ ޖަހާފައެވެ.
ފްލިކް ބުނީ ސީޒަން ފެށުމުގެ ކުރިން ސަޕޯޓަރުންނާ އޭނާ ވާހަކަ ދެއްކި ކަމަށާއި އެމީހުން ވެސް އުއްމީދު ކުރާ ފަދައިން އޭނާ އާއި މުޅި ޓީމުގެ އަމާޒަކީ މި ސީޒަނުގައި ޗެމްޕިއަންސް ލީގު ކާމިޔާބު ކުރުން ކަމަށެވެ.
ބާސެލޯނާގެ ރައީސް ޖޯން ލަޕޯޓޯވެސް ބުނެފައިވަނީއެންމެ ބޮޑު އަމާޒަކީ ޗެމްޕިއންސް ލީގު ކާމިޔާބު ކުރުންކަމަށެވެ.
ކިޔުންތެރިންގެ ހިޔާލު