ހައްދުންމަތީ ގަމުގައި ތަރައްޤީކުރާ ބަނދަރުގެ މަސައްކަތް ނިމުމަކާ ގާތްވެއްޖެއެވެ.
މަޝްރޫޢުގެ ކޮންޓްރެކްޓަރ އެމްޓީސީސީން ބުނީ ގަމު ބަނދަރު އިތުރަށް ތަރައްޤީކުރުމަށް ހިންގާ މަޝްރޫޢޫގެ %87 ނިމިފައިބވާކަމަށެވެ.
މި މަޝްރޫޢުގެ ދަށުން ބަނދަރުގެ ބޭރު ތޮށިލުމަށް ބޭނުންވާ ވެލިއެޅުމާ، އެ ސަރަހައްދު އެއްވަރުކޮށް ބައްޓަންކުރުމުގެ ނުވަތަ ޕްރޮފައިލް ކުރުމުގެ މަސައްކަތް ވަނީ ކުރިއަށްގެންގޮސްފައެވެ.
މީގެ އިތުރުން ފަޅު ފުންކުރުމާއި ކޮނުމުގެ މަސައްކަތުގެ އިތުރުން، ވެލި ބޭނުންކޮށްގެން ބޭރުތޮށި ހެދުމާއި، ރޮކް އާމަރ ބޭނުންކޮށްގެން ބޭރުތޮށިލުން ވެސް މި މަޝްރޫއުގެ ތެރޭގައި ހިމެނެއެވެ. އަދި ރޭމްޕް ހެދުމާއި، ކަލްވަޓް އެޅުމާއި، ކޮންކްރީޓް ޖެޓީއާއި އެއްގަމުތޮށިލުމުގެ މަސައްކަތްވެސް މި މަޝްރޫއުގެ ތެރޭގައި ހިމެނެއެވެ.
ބަނދަރުގެ އުމުރާނީ މަސައްކަތްތަކުގެ އިތުރުން، ބަނދަރު ބައްތި ހަރުކުރުމާއި ދުވާރު ހެދުމުގެ މަސައްކަތްވެސް ކުރިއަށްދާނެއެވެ. މިއީ ބަނދަރު ބޭނުންކުރާ ފަރާތްތަކަށް ލުއިފަސޭހަ އަދި ރައްކާތެރި މާހައުލެއް ގާއިމުކުރުމަށް ކުރެވޭ މަސައްކަތްތަކެކެވެ.
މި ބަނދަރާއެކުގަމުގެ އިޤްތިޞާދީ ހަރަކާތްތައް އިތުރަށް ފުޅާވެ އާންމު ދަތުރުފަތުރުގެ ރައްކާތެރިކަންވެސް ކަށަވަރުވާނެއެވެ.
ކިޔުންތެރިންގެ ހިޔާލު