އައްޑޫ ސިޓީ ސުކޫލުތަކުގެ ގާލްގައިޑް ކޭމްޕު ދަރިވަރުންނަށް ސައިބަރ ސޭފްޓީ ސެޝަނެއް ކުރިއަށް ގެންގޮސްފިއެވެ.
މި ސެޝަންގައި، ރައްކާތެރިކަމާއެކު އިންޓަނެޓް ބޭނުންކުރާނެ ގޮތްތަކާއި ޑިޖިޓަލް ވަސީލަތްތައް ރައްކާތެރިކަމާއެކު ބަލަހައްޓާނެ ގޮތްތަކާއި ބޭނުންކުރާނެ ގޮތްތައް ކިޔައިދީފައިވެއެވެ. އަދި އިންޓަނެޓް މެދުވެރިކޮށް ހިންގާ އެކި ބާވަތުގެ މަކަރާއި ހީލަތް (ސްކޭމް އަދި ފްރޯޑް) ތަކުން ރައްކާތެރިވާނެ ގޮތްތައް ކިޔައިދީފައިވެއެވެ.
އަދި ސައިބަރ ބުލީއަކީ ކޮބައިކަމާއި އެފަދަ ކަމެއް ކުރިމަތިވެއްޖެނަމަ އެ ނަންބަރުތައް ބްލޮކްކުރާނެ ގޮތާއި އެހެން މީހުންގެ ފަރާތުން އެހީތެރިކަން ހޯދާނެ ގޮތްތައް ކިޔައިދީފައިވެއެވެ. އަދި އެފަދަ ކަންކަން ނުފޮރުވާ ބެލެނިވެރިންނަށް ކިޔައިދިނުމަށާއި އެފަދަ މީހުންނަށް ރައްދު ނުދިނުމަށް ދަރިވަރުންނަށް ނަސޭހަތްތެރިވެފައިވެއެވެ. އޭގެ އިތުރުން، އެފަދަ ކަންކަމުން ރައްކާތެރިވާނެ ގޮތްތަކަށް އަހުލުވެރިކުރުވައި، ސޯޝަލް މީޑިއާ މެދުވެރިކޮށް ބައްދަލުވާ ނުދަންނަ މީހުންނަށް ޒާތީ މައުލޫމާތާއި ފޮޓޯ ފަދަ ތަކެތި ހިއްސާނުކުރުމަށް ވެސް ދަރިވަރުންނަށް ކިޔައިދީފައިވެއެވެ.
މި މަހު 22 ވަނަ ދުވަހު ގަން ޕޮލިހުން ކުރިއަށްގެންދިޔަ މި ސެޝަނަކީ ދަރިވަރުންގެ ހޭލުންތެރިކަން އިތުރުކުރުވުމަށް އައްޑޫ ސުކޫލުތަކާއި ގަން ޕޮލިސް ގުޅިގެން ކުރިއަށްގެންދިޔަ ސެޝަނެކެވެ. މި ސެޝަން ކުރިއަށް ގެންގޮސްފައި ވަނީ މަރަދޫ ސުކޫލުގައެވެ.
ކިޔުންތެރިންގެ ހިޔާލު