ބާސެލޯނާއަށް ކުޅެން ސޮއިކުރި ސްޕެއިންގެ ޤައުމީ ޓީމުގެ ކެޕްޓަން ރޮޑްރިގޯ ގެނައުމަށް ފަހުން މަސައްކަތްނުކުރީ ޝައްކުތަކެއް އުފެދުމުންކަމަށް ރެއާލް މެޑުރިޑުގެ ކޯޗު ހޯސޭ މޮރީނިއޯ ބުނެފިއެވެ.
ރެއާލްގެ ކޯޗެއްގެ ގޮތުގައި ތަޢާރަފްވުމަށް ބޭއްވި ރަސްމިއްޔާތަށްފަހު ނޫސްވެރިންނާ ވާހަކަ ދައްކަމުން މޮރީނިއޯ ބުނީ ރެއާލަށް ރޮޑްރިގޯ ގެނައުމަށް އޭނާ އަމިއްލައަށްވެސް ވާހަކަ ދެއްކިކަމށެވެ. ނަމަވެސް އޭނާގެ ހިތުގައި ރެއާލާމެދު ޝައްކުތަކެއް ހުރިކަމަށާއި، އެހެންކަމުން ވިސްނުން ބަދަލުކުރީކަމަށް ކުރިން ވެސް ރެއާލް މެޑްރިޑަށް ކޯޗު ކޮށްދިން މޮރީނިއޯ ބުންޏެވެ.
މި ޓީމަށް ކުޅެން ދެ ވަނަ ވިސްނުމަކަށް ދާ ކުޅުންތެރިއަކު ނުގެންނާނަން.
Advertisement
ރެއާލް މެޑްރިޑްގެ ކޯޗު ހޯސޭ މޮރީނިއޯ ބުންޏެވެ.
މޮރީނިއޯ ބުނީ ރޮޑްރީ އަކީ މޮޅު ކުޅުންތެރިއެއް ކަމަށެވެ. މޮރީނިއޯ ބުނީ ރޮޑްރީ ނުގެނެވުނަސް އޭނާގެ ޓީމު ވަރުގަދަ ކަމަށާއި މި ސީޒަނަކީ ތަށި ހޯދަން ކުޅޭނެ ސީޒަނެއް ކަމަށެވެ.
އަހަރެން ދެކެނީ މި ޓީމަށް ކޯޗު ކޮށްދިނުމަކީ ޝަރަފެއްގެ އިތުރުން ޒިންމާއެއް ކަމަށް. އަހަރެން ފަދައިން އެންމެންވެސް އެ ގޮތަށް ވިސްނުން ބަހައްޓަންވާނެ.
ތަޖުރިބާކާރު ކޯޗު މޮރީނިއޯ ބުންޏެވެ.
މޮރީނިއޯ ރެއާލަށް ގެނެސްފައިމިވަނީ ޖެހިޖެހިގެން ދެ ސީޒަނުގައިވެސް ތައްޓެއް ނުހޯދި ދިއުމުންނެވެ.
ކިޔުންތެރިންގެ ހިޔާލު