މާލޭ ވިޔަފާރި ބަނދަރު ތިލަފުއްޓަށް ބަދަލުކުރުމަށް ސަރުކާރުން ކުރިއަށްގެންދާ ބިޔަ މަޝްރޫޢާ ގުޅޭގޮތުން، އެމްޕީއެލުން ކްލިއަރިންގ އޭޖެންޓުންނާއި ލޮރީ ޑްރައިވަރުންނާ ބައްދަލުކޮށް މަޝްވަރާކޮށްފިއެވެ.
ތިލަފުށީ ބަނދަރުގެ މަސައްކަތްތައް ރޭވުމުގައި ކަމާގުޅޭ ސްޓޭކްހޯލްޑަރުންގެ ޚިޔާލާއި މަޝްވަރާ ހޯދުމަށް އެމްޕީއެލް އިން ސިލްސިލާކޮށް ބާއްވަމުންދާ ބައްދަލުވުންތަކުގެ ތެރެއިން ކުރިއަށްދިޔަ މުހިންމު ބައްދަލުވުމުގެ މަޤްސަދަކީ ބަނދަރު ބަދަލުކުރުމުގެ މަސައްކަތް ކުރިއަށްދާއިރު، އެމްޕީއެލްގެ އެންމެ މުހިންމު އެއް މަސައްކަތްތެރިން ކަމުގައިވާ ކްލިއަރިންގ އޭޖެންޓުންނާއި ލޮރީ ޑްރައިވަރުންގެ ބޭނުންތަކާއި ޚިޔާލުތައް ދެނެގަތުމެވެ.
As part of the ongoing stakeholder engagement for the Port Relocation Project, Maldives Ports Limited (MPL) held a meeting today with lorry drivers and clearing agents to discuss the project and gather their feedback.
AdvertisementThe meeting focused on sharing information regarding the… pic.twitter.com/tsaSWxhbXV
— Maldives Ports Limited (@Portmv) August 13, 2026
މިގޮތުން، ވީހާވެސް އަވަހަށް މުދާ ކްލިއަރ ކުރެވޭނެ ހަރުދަނާ ނިޒާމެއް ތިލަފުށީގައި ޤާއިމުކުރުމާ ގުޅޭގޮތުން ބައިވެރިން ވަނީ އަގުހުރި ޚިޔާލުތަކެއް ހިއްސާކޮށްފައިވާ ކަމަށެވެ. އަމާޒަކީ މި ފަރާތްތަކަށް މަސައްކަތް ކުރުމުގައި ވީހާވެސް ފަސޭހަވާނެ ގޮތަކަށް ބަނދަރުގެ އޮޕަރޭޝަންތައް ބައްޓަންކުރުން ކަމަށް އެމްޕީއެލުން ބުންޏެވެ.
މާލޭ ވިޔަފާރި ބަނދަރު ތިލަފުއްޓަށް ބަދަލުކުރުމަކީ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ މުހިންމު އިޤްތިޞާދީ ވަޢުދުފުޅެކެވެ. މި މަޝްރޫޢަކީ މިހާރުގެ ބަނދަރަށް ދިމާވެފައިވާ ޖާގައިގެ ދަތިކަމަށް ދާއިމީ ހައްލެއް ހޯދައި، ރާއްޖޭގެ އިޤްތިޞާދު ފުޅާކުރުމަށް ފަރުމާކުރެވިފައިވާ މަޝްރޫޢެކެވެ. ތިލަފުށީގައި ތަރައްޤީކުރާ ބަނދަރު ވެގެންދާނީ ބައިނަލްއަޤުވާމީ މިންގަނޑުތަކަށް ފެތޭ، އެންމެ ފަހުގެ ޓެކްނޮލޮޖީއާއި ޒަމާނީ ވަޞީލަތްތައް ހިމެނޭ “ސްޓޭޓް އޮފް ދި އާޓް” މަލްޓި-ޕަރޕަސް ބަނދަރަކަށެވެ.
ކިޔުންތެރިންގެ ހިޔާލު