އެއް ކުޅުންތެރިއަކު މަދުކޮށް ކުޅެ ބޮސްނިއާ ބަލިކޮށް އެމެރިކާވެސް ވޯލްޑު ކަޕްގެ ގަދަ 16 ކަށަވަރުކޮށްފިއެވެ. އެމެރިކާ މެޗު ކާމިޔާބުކުރީ ބޮސްނިޔާއާގެ މައްޗަށް 2-0 ން ކާމިޔާބުކޮށްގެންނެވެ.
ދެވަނަ ހާފް ފަށައިގެން 19 ވަނަ މިނިޓްގައި މުހަރެމޮވިޗަށް ކުރި ނުރައްކާތެރި ފައުލަކަށް ބަލޮގަން އަށް ރެފްރީ ސީދާ ރަތްކާޑެއް ދެއްކުމުން ބޮޑު ބައެއް އެމެރިކާ ކުޅެން ޖެހުނީ ކުޅުންތެރި އަކު މަދުކޮށެވެ. ވީއޭއާރުން ބެލުމަށްފަހު ބަލޮގަން އަށް ރަތްކާޑް ދެއްކިއިރު، އެމެރިކާ ކުރީގައި އޮތީ ފުރަތަމަ ހާފްގެ ފަހު މިނިޓްގައި އޭނާ ޖެހި ލަނޑުންނެވެ. ލަނޑު ޖެހީ ޓިލްމަން ތަނަވަސްކޮށްދިން ފުރުޞަތެއްގައެވެ. ކުޅުންތެރިއަކު މަދުކޮށް ކުޅެމުން ދަނިކޮށް އޭރިޔާ ބޭރުން ލިބުނު ހިލޭ ޖެހުމަކުން އެމެރިކާގެ ދެވަނަ ލަނޑު ޖެހީވެސް ޓިލްމަން އެވެ. ބޯޅަ ގޯލަށް ވަނީ ކީޕަރު އަތުގައި ޖެހިފައެވެ.
މެޗުގެ ފަހު ބައިގަނޑިއިރަށް ވުރެން ގިނައިރު، ކުޅުންތެރިއަކު މަދުކޮށް ކުޅެން ޖެހުމެވެ. ބަލޮގަން އަށް ރަތެއް ދެއްކީ، ބޮސްނިއާގެ ޑިފެންޑަރު، ޓާރެކް މުހަރެމޮވިޗަށް ނުރައްކާތެރި ފައުލެއް ކުރުމުންނެވެ. އެމެރިކާގެ ކުޅުންތެރިއަކު މަދުވިނަމަވެސް ބޮސްނިޔާއަށް ލަނޑު ޖަހަން ފުރުޞަތު ނުހޯދި، އެމީހުންގެ ދެވަނަ ވަރލްޑްކަޕް ވަނީ ނިންމާލަން ޖެހިފައެވެ.
ގަދަ 16ގައި އެމެރިކާ ވާދަކުރަންޖެހޭނީ ބެލްޖިއަމްއާއެވެ.
ކިޔުންތެރިންގެ ހިޔާލު