ދުނިޔޭގެ ދުންފަތުގެ އިސްތިޢުމާލު ނުކުރާ ދުވަހުގެ މުނާސަބަތުގައި ދިނުމަށް ހަމަޖެހިފައިވާ “ވޯލްޑް ނޯ ޓޮބޭކޯ ޑޭ އެވޯޑް” އަށް ކުރިމަތިލުމަށް ދީފައިވާ މުއްދަތު އިތުރުކޮށްފިއެވެ.
މި އެވޯޑަކީ ކޮންމެ އަހަރެއްގެ މޭ މަހުގެ 31 ވަނަ ދުވަހު ފާހަނގަ ކުރަމުން އަންނަ ދުނިޔޭގެ ދުންފަތުގެ އިސްތިއުމާލު ނުކުރާ ދުވަހުގެ މުނާސަބަތުގައި ދުނިޔޭގެ ސިއްހަތު ޖަމްއިއްޔާ (ޑަބްލިވްއެޗްއޯ) އިން ދޭ އެވޯޑެކެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ވިދާޅުވީ، މި އިނާމު ދެނީ ދުންފަތް ކޮންޓްރޯލް ކުރުމުގައި ޝާމިލުވާ ފަރާތްތަކުން ކުރާ މަސައްކަތްތަކުގެ އަގު ވަޒަން ކުރުމަށާއި މި މަސައްކަތުގައި ދެމި ތިބުމަށް ހިތްވަރު ދިނުމުގެ މަގްސަދުގައި ކަމަށެވެ.
މި އިނާމަށް ކުރިމަތި ލައްވަން ބޭނުންވާ ފަރާތްތަކުން މެއި މަހު 13 ވަނަ ދުވަހުގެ ނިޔަލަށް ކުރިމަތިލެވޭ ގޮތަށް ފުރުސަތު ހުޅުވާލާފައިވާ ކަަމަށްވެސް ވިދާޅުވިއެވެ.
މި އެވޯޑަށް އެދި ހުށަހަޅަން ބޭނުންވާ ފަރާތްތަކުން ފޯމު ފުރުމަށްފަހު [email protected] އަށް މެއިލް ކުރުމަށް އެދިފައި ވެއެވެ.
ކިޔުންތެރިންގެ ހިޔާލު